Nagsalita na si Mac Mac (Mark Bautista) sa hiwalayan nina Piolo Pascual at KC Concepcion kahapon sa Showbiz Central.
Pero ayaw daw niyang makialam dahil personal issues ’yun.
Si Mac Mac ang itinuturong ‘salarin’ sa hiwalayang Piolo at KC. Kung bakit siya, ewan ko rin.
Pero isa raw sa mga na-edit na portion ng interview ni KC na umere two Sundays ago ay nang tanungin ni Tito Boy Abunda si KC kung may kinalaman ba ang singer. Pero ’di nakasagot agad si KC at umiyak nang umiyak.
Mommy Divine type si Gerald para kay Sarah
Sana nga sina Sarah Geronimo at Gerald Anderson na lang. Parang nagkaka-inlaban na naman sila after their second movie Won’t Last a Day Without You na palabas pa rin sa maraming sinehan.
Wala namang masama kung maging sila. Kahit si Mommy Divine ni Sarah, walang kontra sa aktor para kay Sarah.
Isang malapit kay Mommy Divine ang nagsabi na tahimik ito pagdating kay Gerald, hindi katulad dati na kontrang-kontra sa mga nali-link sa anak. In fact, kahit kitang-kita nito na parating magka-holding hands ang dalawa sa premiere night ng Won’t Last a Day, wala na itong reaction. Pinababayaan na si Sarah na kasama si Gerald.
Kahapon ipinakita sa The Buzz ang mga kuha na kitang-kita nga na parang sila na at parang formality na lang ang kulang.
Statement ni Mo sa The Buzz hindi pumuwede sa ere
What a coincidence naman. Lawyer pa ng best friend ni Mo Twister, si Hayden Kho, Jr. ang lawyer din ni Rhian Ramos, si Atty. Lorna Kapunan. Kaya kahit ayaw ni Hayden na madawit ang pangalan sa gulo ng kaibigan niya, against Rhian, ay posibleng mangyari.
Bukas ay kakasuhan na si Mo – ng GMA 7 at ng kampo ni Rhian.
Ewan kong nasaan na si Mo na certified eklavero dahil paiba-iba ang sinasabi. Sabi aalis na, pero ngayon daw ay hindi na naman.
Sa The Buzz kahapon ay may statement na ipinadala si Mo pero hindi na ito inere. Ayon sa isang source, mas grabe ang mga sinabi ni Mo against Rhian.
Jovit at Marcelito magkakasubukan
Magkakasubukan kung sino nga ba ang mas magaling sa dalawang produkto ng Pilipinas Got Talent na sina Jovit Baldivino at Marcelito Pomoy sa isang concert Jovit vs Marcelito: A Talent Showdown sa Dec. 10, 8:00 p.m., at the SM Sky Dome, SM North EDSA.
Kung sabagay, pareho na naman silang may napatunayan.
May kanya-kanya na silang achievements na puwedeng sabihin.
Ang advantage nga lang ni Marcelito, kaya niyang mag-ala Regine Velasquez at Martin Nievera. Pero hindi naman nagpapahuli ang paos na boses ni Jovit.
Makakasama nila sa nasabing concert sina Enrique Gil, Kathryn Bernardo, Julia Montes, with Season 3’s Maasinhon Trio and Khalil Ramos.
Tickets are available in all SM Ticketnet outlets (470-222).