CEBU, Philippines - Isip pagpangandam sa seryeng Alta, si Gretchen Barretto magsige na og exercise ug giseguro niya nga sakto sa oras ang iyang pagkatug aron dili magluya atol sa taping sa maong programa. Giandam na usab karon ni Gretchen ang iyang mga accessories.
Pitbull naglawig gihapon
Nagpabilin gihapon nga gikagat sa mga tawo ang mga awit sa American singer nga si Pitbull nga naglangkob sa “I Know You Want Me,” "Hotel Room Service” ug ang "On the Floor" kung diin ka-duet niya si Jennifer Lopez. Nasayran nga gidagsaan pag-ayo sa mga tawo ang concert niya kagabii sa Araneta Coliseum.
Krista gimingaw sa Pilipinas
Suma pa ni Krista Ranillo nga malipayon na kaayo siya sa iyang kinabuhi didto sa Amerika gumikan kay gikauban niya ang iyang pamilya. Gimingaw na si Krista dinhi sa Pilipinas busa nagplano siya nga mobakasyon sa nasud sunod tuig.
Grupo sa Pinoy kampeyon sa Australia
Ang grupong "Boys Unlimited" nga taga Pangasinan maoy kampeyon sa International Hip Hop Dance Competition nga gipahigayon sa miaging adlaw didto sa Battle Gound sa Sydney, Australia. Gikatigi sa maong grupo ang mga pambato usab gikan sa Australia, New Zealand, Singapore, Indonesia, Guam, Japan, Thailand South Africa, Vietnam, Fiji ug Samoa.
FB ang gikalingawan
Suma pa ni Diva Montelaba nga kung wala siya’y lingaw, kanunay ra siya mag-atubang sa computer aron mag-Facebook. Samtang mapasalamaton si Diva gumikan sa mga positibong feedback nga iyang nadawat sa iyang pagsulod sa pantaseryeng Kokak.
Sarah nagpa-sexy
Daghan ang nahugyaw kang Sarah Geronimo atol sa premiere night sa pelikula nila ni Gerald Anderson nga "'Won't Last A Day Without You” sa SM Megamall gumikan kay sexy kaayo ang iyang gisul-ob. Si Sarah kinsa nailhan sa kadaghanan isip konserbatibo nga pagkababaye, nagsul-ob og dark blue sequin dress.
Luis todo paningkamot sa Alta
Masaligon si Luis Manzano nga mabaid ang iyang abilidad sa pag-arte sa seryeng "Alta”. Suma pa sa aktor nga kinahanglan nga mag-adjust siya og maayo ilabi na nga niadto pa’ng 2009 ang katapusan niya nga serye kung diin nalakip siya sa Diyosa nga gibidahan ni Anne Curtis. (BANAT NEWS)