Natagpuan na yata ng aktor ang kanyang true love kaya nawiwili siya sa paninirahan sa ibang bansa.
Pansamantalang kinalimutan ng aktor ang showbiz career para mag-concentrate sa kanyang love life. Kung ako naman ang nasa lugar ng aktor, talagang seseryosohin ko ang love life dahil daig pa niya ang nakahiga sa datung.
Hindi niya kikitain sa showbiz ang datung na kanyang nahahawakan ngayon.
Kayo na ang magkaroon ng richie rich na papa!
Annabelle at Ruffa ginulat ang castaways
Aligaga si Annabelle Rama sa kanyang text brigade tungkol sa special appearance nila ni Ruffa Gutierrez sa Survivor Philippines: Celebrity Doubles Showdown.
Umapir kagabi ang mag-ina sa reality show ni Richard Gutierrez at mapapanood sila hanggang sa Huwebes.
Gulat na gulat ang mga celebrity castaways dahil hindi nila inaasahan ang pagbisita nina Annabelle at Ruffa.
Marami ang natawa sa dialogue ni Bisaya na kabobohan ang mag-quit sa Survivor Philippines dahil mga talent niya sina Jackie Forster at Angelicopter na parehong nag-quit sa reality show ng Kapuso Network. Knowing Bisaya, nagulat din ito sa mabilis na desisyon nina Jackie at Angelicopter na lisanin ang isla.
Lihim na lihim ang pagpunta nina Annabelle at Ruffa sa isla ng Survivor Philippines. Sure ako na pinapirma rin sila ng kontrata na bawal ikuwento ang pagbisita nila sa island.
I should know dahil pumirma rin ako ng confidentiality contract nang pumayag ako na umapir sa Survivor Philippines: Celebrity Doubles Showdown na ginanap noon sa Ranong, Thailand.
Hindi talaga ako nagkuwento tungkol sa pagbiyahe ko sa Ranong, Thailand hangga’t hindi naipalalabas sa TV ang aking special appearance.
Nag-enjoy ako sa pagbisita sa island, kesehodang sumakit ang katawan ko dahil sa layo at tagal ng biyahe.
Direk Yam may mahigpit na bilin
Holiday at payday ngayon kaya magandang playdate ang Nov. 30. Dalawang pelikula ang magkasabay na magbubukas ngayon sa mga sinehan, ang pelikula ni Sarah Geronimo at ang The Road ng GMA Films.
Positive ang mga feedback sa The Road. Mahigpit ang bilin ng direktor na si Yam Laranas na magbitbit ng kasama kung panonoorin ninyo ang pelikula dahil siguradong matatakot kayo.
Na-master na ni Yam ang paggawa ng horror films kaya kilalang-kilala na siya sa international scene.
Sarah at Gerald nakapag-promote sa Eat Bulaga
Nagpapasalamat ang Star Cinema people dahil pumayag ang mga bumubuo ng Eat Bulaga na mag-promote sa number one noontime show sina Sarah at Gerald Anderson.
Inabangan kahapon ang guesting ng dalawa sa Eat Bulaga dahil may-I-promote nila ang Won’t Last a Day Without You.
Kasama sa pelikula si Papa Joey de Leon kaya welcome na welcome sina Sarah at Gerald sa kanilang programa. First time ni Gerald na mag-guest sa Eat Bulaga kaya excited siya.
Si Papa Joey ang gumanap na tatay ni Sarah sa Won’t Last A Day Without You. “Anakonda” ang tawag niya sa karakter ni Sarah. Anakonda bilang anak kong maganda.
Huwag tayong magulat kung masundan pa ang mga project ni Papa Joey sa Star Cinema dahil maganda ang kanilang working relationship.