PIK : Nanganak na si Glydel Mercado kahapon ng 1:14 a.m. sa St. Luke’s Hospital.
Tuwang-tuwa si Tonton Gutierrez na nagkuwento sa amin na isang malusog na baby girl ang iniluwal ni Glydel na may timbang na 6.4 lbs. Normal delivery ito kahit halos pitong oras din itong nag-labor.
PAK : Marami pa ring haters si Geneva Cruz pagkatapos niyang mag-quit sa Survivor Philippines: Celebrity Showdown.
Marami rin ang naaaliw kay Isabel Lopez nang na-outwit nito ang mga kasamahan niya sa mga nilipatan niyang Tala tribe.
Abangan sa susunod na linggo ang tribal council dahil merong malaking twist na ikagugulantang ng mga tagasubaybay nito.
BOOM : Deretsahang nagpahayag si Jaclyn Jose na hindi welcome si Albie Casiño sa kanila kung sakaling maisipan nitong dalawin si Andi Eigenmann na kapapanganak lang ng isang malusog na baby girl na pinangalanan nilang si Adrianna Gabrielle.
Sabi ni Jaclyn, hindi naman ito kinikilala ni Albie kaya hindi na ito kailangang pumunta.
Hiningian namin ng sagot si Albie pero ang ina nitong si Mrs. Rina ang nagbigay ng statement sa amin sa text.
Ayon kay Mrs. Casiño, “Ayoko nang palakihin. I do respect her decision but I know by the grace of God, maayos din ito.”