CEBU, Philippines - Kung walay kausaban, January 18, 2012 ang playdate sa pelikula nila ni Angel Locsin ug John Lloyd Cruz para sa Star Cinema nga may working title, “What Matters Most.” Suma pa ni Loydie gipaspasan na nila ang paggama niining maong romantic comedy with a touch of drama nga movie, diin katulo sila sa usa ka semana mag-shooting.
Mark-Jennylyn again
Subling magkatrabaho sila si Mark Herras ug Jennylyn Mercado pinaagi sa Spooky Nights Presents: Kaibigan, episode karong Sabado. Ang original nga magka loveteam ug kanhi manag-uyab, ubanan nila ni Ehra Magdrigal ug Antonio Aquitania sa maong episode.
Hollywood Dream
Giangkon ni Ai-Ai delas Alas nga pangandoy pud niya nga makasulod sa Hollywood. Suma pa niya, bisan og makahimo lang siya og usa ka pelikula sa Hollywood sa dili pa siya mamatay, dako na kaayo niyang kalipay.
Dili palahubog uy
Nagdumili na si John Lloyd Cruz pagkomentaryo sa mga pamahayag sa iyang ex-girlfriend nga si Ruffa Gutierrez kabahin sa ilang relasyon kaniadto, ingon man sa problema matud pa sa aktor sa ilimnong makahubog. Suma pa ni Loydie gipadako matud pa siya sa iyang mga ginikanan nga dili na kinahanglang mubawos kun masakitan, ug iya pud nga giklaro nga kanunay matud pa siya nga healthy living busa dili tinuod nga palahubog siya.
Buotan kaayo si Sarah
Gidayeg gyud ni JC Tiuseco ang iyang leading lady sa Kokak nga si Sarah Lahbati nga labihan matud pa ka buotan ug managsama matud pa sila nga mga hilumon. Ang nakanindot pa matud ni JC mao nga bisan og bag-o pa nga artista si Sarah maayo na matud pa ni muarte ug matakdan matud pa siya niini sa ilang mga eksena. Sanglit managsama silang single, dili malikayan nga itupo sila sa usa’g-usa, apan matud ni JC career usa maoy iyang priority busa unya na ang lovelife.
Walay retoke
Daling nakapanghimakak si Soul Siren Nina sa intriga nga giparetoki niya ang iyang mga dughan. Kini human may mga mikomentaryo nga dagko na matud pa ang iyang dughan, basi sa makita sa music video sa iyang bag-ong kanta, “Dance.” Matud ni Nina natural matud pa ang tanan nga makita sa iyang lawas.
Salamat sa Survivor
Pasok na sa casts sa “Daldalita” sila si Chuckie Dreyfus ug Isabel Granada. Ang ilang pagkalakip sa nagpadayon nga Survivor Philippines Celebrity Doubles Showdown maoy nagbukas og dalan aron maapil pud sila sa teleserye nga gibituonan ni Jillian Ward.