CEBU, Philippines - Karong adlawa matud pa gitakdang mupirma si Sharon Cuneta og kontrata sa TV5 Network, suma pa ni Philippine Star entertainment editor Ricky Lo kagahapon.
Una na nga migawas nga ang kontrata ni Megastar maoy labing dako nga konrata sa kasaysayan sa telebisyon diin, una matud pa niya nga proyekto usa ka talk show.
Kagahapon lang nabutyag nga P1B as in One Billion Pesos ang balor sa kontrata ni Sharon.
Ang manager niya nga si Vic del Rosario ang nakig-negosasyon sa gitakdang paglayat ni Sharon sa TV5 human sa 24 ka tuig niya nga pagpasilong sa Kapamilya Network.
Dungan niini, ingon niini usab matud pa nga kantidad ang gibungat ni Piolo Pascual niadtong giagni siya sa TV5 aron mulayat, apan wala matud pa magkasinabot ang duha ka mga kampo sanglit dili matud pa haom og P1B ang aktor.
Gihimakak ni Piolo ang maong taho.
Wish ni Kris
Wish ni Kris Aquino makatrabaho ang mga child wonders nga sila si Zaijan Jaranilla, Mutya Orquia, ug Louise Abuel.
Rafael gibuwagan sa uyab
Gidungog nga si Erich Gonzales ang hinungdan kung nganong gibuwagan si Rafael Rosell sa iyang non-showbiz girlfriend.
Someone Like You
Gipistahan na usab karon sa Youtube ang video ni Maria Aragon kung diin gihimoan niya og cover ang awit ni Adele nga Someone Like You.
Gimik ra?
Gisalikway ni Gerald Anderson ang isyu nga matud pa nga gimik ra sa pelikulang Wont Last A Day ang gipadayag niya kaniadto nga bukas siya nga ma-inlove kang Sarah Geronimo.
Alex pambato sa Singko
Gikatahong usa si Alex Gonzaga sa mga talent sa TV ang gipasidlak pag-ayo karong panahona aron itigi kang Marian Rivera sa GMA-7 ug Angel Locsin sa ABS-CBN.
Pag-sure diha Enchong!
Igo lang mikatawa si Enchong Dee sa report nga matud pa nga kutob ra siya sa pagpa-cute kung duna siya’y mataypan nga babaye ug giklaro sa aktor nga dili pa siya andam nga mosulod pagbalik og usa ka seryosong relasyon.
Rayna si Kim
Si My Binondo Girl Kim Chiu ang midaog isip “Most Beautiful Woman in the Philippines 2011” sa survey sa online entertainment site www.starmometer.com
Ang maong survey nagsugod adtong 2006, diin si Angel Locsin ang midaog sulod sa lima ka tuig, hinungdan nga “hall of famer” na ang actress ug wala nay apil karong tuiga.
Ang survey karong tuiga, gihimo pinaagi sa Facebook, diin ang resulta gibasi sa labing daghan og likes.
Baron naghubog na pud?
Ang tsika mao nga si Baron unta maoy bida sa maong episode, apan sa airport pa lamang naghubog-hubog na ang nahisgutan.
Pag-abot sa Hongkong hubog gihapon, hinungdan nga wala kini pasakya sa eroplano paingon sa Toronto, Canada.
Si Tom Rodriguez nga produkto sa Pinoy Big Brother reality show maoy gihulip kang Baron alang sa maong episode.
Apan suma pa ni Vegafria kagahapon sa hapon ngadto sa PEP dili tinuod nga naghubog na pud ang aktor.
Suma pa ni Vegafria nga gipugngan si Baron sa Hongkong immigration sanglit hapit na mu-expire ang U.S. passport niini, maong wala makasakay paingon sa Canada.
Apan pagkasunod adlaw nakalupad ra pud si Baron paingon sa Canada, apan gihulipan na siya ni Tom sanglit may giapas nga oras ang production crew gumikan sa expiration sa ilang permit to shoot.
Gibayran gihapon matud pa si Baron sa MMK sanglit dili man sala sa aktor ang kalangan nga mitumaw.
Kahinumdumang bag-ohay lang migawas si Baron gikan sa rehab gumikan sa iyang pagka-alcoholic.
Diva mosulod sa Kokak
Mosulod sa dili madugay sa pantaseryeng Kokak ang Sugbuanon nga si Diva Montelaba kung diin siya maoy modala isip igsuon ni Gian Magdangal.
Suma pa ni Diva nga modala siya isip adunahan sa maong programa ug usa siya sa mahimong kontrabida sa kinabuhi ni Kokak nga gidala sa kauban niya kaniadto sa Star Struck nga si Sarah Lahbati.
“Happy kay ko, kay human sa Time Of My Life , gitagaan dayon ko og project sa GMA-7. Magpasalamat diay ko sa akong family ug sa akong mga friends diha sa Cebu nga kanunay nag-suporta sa akong mga projects,” matud pa ni Diva sa esklusibo nga pakighinabi niini sa Banat News Hugyaw.
Andam na si Diva sa posibilidad nga mahimo siya nga kalagotan sa mga viewers gumikan sa kontrabida role nga iyang naangkon.
“Ready na kay ko anang sitwasyona, pero parte raman sad na sa akong trabaho,hehehe,” dugang pa niya.
Matud pa niya nga komportable ra pud siya sa iyang role gumikan kay iya naman sad nga suod nga higala si Sarah busa dili siya maglisod sa ilang mga eksena.