SEEN: Halata sa presscon ng Won’t Last A Day Without You ang pagkagiliw ni Sarah Geronimo sa kanyang leading man na si Gerald Anderson.
Pigil ang kilig ni Sarah kay Gerald dahil nakabantay ang kanyang Mommy Divine.
SCENE: Magkatulong sina Jackie Forster at Ellen Adarna sa pang-aaway kay Arnold Aninion ng Philippine Volcanoes.
Nilait-lait nina Ellen at Jackie ang pagkatao ng kasamahan nila sa Survivor Philippines: Celebrity Doubles Showdown. Puwedeng magdemanda ng libel si Arnold.
SEEN: Ang mga “threatening tweets” ni DJ Mo Twister. May dapat kabahan at mag-isip sa tamang daan na pipiliin sa mga susunod na aksiyon na gagawin ni DJ Mo.
SCENE: Ngayon ang private garden wedding nina Jolina Magdangal at Mark Escueta sa Tagaytay City. Thirty-three years old na si Jolina.
SEEN: Lalong tumaba si Paolo Contis dahil sa tatlong linggo na pamamalagi niya sa Amerika.
Si Paolo ang “mata” ni Rep. Manny Pacquiao sa US.
SCENE: Tagumpay ang Pasig River Run na ginanap kahapon dahil sa paglahok ng libu-libong tao. Mapapabilis ang rehabilitation ng Pasig River kung tumulong sa paglilinis ang mga sumali kahapon sa Pasig River Run.
SEEN: Hiniwalayan si Rafael Rosell ng kanyang girlfriend dahil kay Erich Gonzales.
Nalaman ng non-showbiz girlfriend na hindi faithful sa kanya si Rafael.