Gerald-Sarah movie

CEBU, Philippines - Sa Bonifacio Day na karong November 30, ang showing sa ‘Won’t Last A Day Without You,” movie nila ni Sarah Geronimo ug Gerald Anderson imbes nga November 23. Suma pa wala pa mahuman ang maong movie.

Mga target ni Goma

Buot makatrabaho ni Richard Gomez sila si Angel Locsin, Anne Curtis, ug Bea Alonzo karon nga mibalik na siya sa ABS-CBN. Si Richard maoy usa sa mga bida sa umaabot nga teleserye, “Walang Hanggan” nga isalida sa ABS-CBN karong January 2012. Lakip sa makauban niya si Dawn Zulueta, Coco Martin, Julia Montes, ug Ms. Susan Roces.

Nawong gigamit sa escort

Gigamit ang mga hulagway ni Carmen Soo sa usa ka website nga nagtanyag og ‘escort service” didto sa Singapore, hinungdan nga labihan na lang ang kakugang sa Malaysian actress pagkadawat niya sa link nga gipada sa iyang higala pinaagi sa Twitter kagahapon sa hapon.

Khalil ipares ni Kathryn

Teleserye kauban sila si Enrique Gil, Daniel Padilla, ug Kathryn Bernardo ang unang proyekto ni PGT runner-up Khalil Ramos sa abs-cbn. Ang 15 anyos ug si Kathryn maoy mipahibawo niini atol sa ilang pag-guest sa Kris TV kagahapon.

Nataypan ni Maria

Mapasigarbuhon si Solenn Heussaff nga maayo matud pa ang ilang working relationship ni Diamond Star Maricel Soriano sa film festival entry sa Regal Films nga “Yesterday, Today and Tomorrow.” Matud pa niya, kanunay matud pa siya tabangan ni Maricel, buotan matud pa ngadto niya ang banggiitang aktres, magsige matud pa og komedya si Maricel sa ilang mga eksena.

R-13 lagi

Gibasura sa MTRCB hangyo sa GMA Films nga usbon ang R-13 classification sa suspense-thriller movie nga The Road, ngadto na sa PG-13 aron makakita ang mga bata nga 13 years old below sa maong pelikula.

Good friends

Maayo gihapon ang relasyon nila ni Chito Miranda ug Kaye Abad isip managhigala human usab sila nagkauyab sulod sa pito ka tuig. Gani bukas si Kaye sa posibilidad nga magkabalik sila ugma damlag, ilabi na nga wala matud pay makatag-an sa umaabot.

Bag-ong mga pambato

Sila si Derrick Monasterio, Kristoffer Martin ug Alden Richards maoy ilusad sa GMA-7 isip mga bag-ong leading men sa 2012, kini human mipakita matud pa ang tulo og dakong potensyal sa acting, singing, ug dancing. Kini gawas pa nga tag-as, gwapo ug kusog og appeal sa mga babaye.

Jaya gilayasan ang GMA Records

Gisalikway ni Jaya ang tsika nga nangluod siya sa GMA Records kay matud pa walay nahitabo sa iyang singing career sa poder niini, hinungdan nga milayat siya sa Universal Records. Matud ni Jaya dako ang iyang pasalamat sa GMA Records sa tanang nabuhat niini sa iyang career ug nga niya pa, maayo ang ilang panagbuwag og dalan.

Ganahan mag-maestra

Mas pilion pa ni Sheryl Cruz ang mag-maestra kaysa musulod sa kalibutan sa politika. Suma pa niya, kumplikado nang daan ang showbiz, busa dili na siya buot mangita og lain pang kumplikasyon sa politika. Sa wala makasayud mitapos og kursong Marketing si Sheryl sa Amerika ug nalakip pa sa dean’s list. Nahimo siyang college tutor sa Amerika human niya og eskuyla.

Ganahan musikat

Direktang giangkon ni Stef Prescot nga misalmot siya sa Survivor Philippines: Celebrity Doubles Showdown sa pamasin nga matagad na siya sa GMA-7 ug hatagan na og break sa iyang career. Suma pa niya nga kaniadto pangandoy niya nga mamahimo gayung bida, apan karon, happy na siya basta may trabaho. Apan panghinaot ni Stef nga human sa Survivor mulambo ang iyang showbiz career.

Nagpaduding pa

Sunod buwan giingong matapos na ang kontrata ni Carmina Villaroel sa GMA-7 apan hangtud karon wala pay tataw nga hukom kun mu-renew ba siya o dawaton ang tanyag sa ABS-CBN. Matud niya, padayon pa ang negosasyon karon sa tanang networks pinaagi sa iyang manager nga si Dolor Guevarra.

‘Aking Anak”

Nahuman na ni Ogie Alcasid ang kanta para sa ilang anak ni Regine Velasquez nga si Nathaniel James. Giulohan og “Aking Anak” na record na ni Ogie ang maong kanta ug una kining madungog sa Party Pilipinas karong Domingo.

Wala kahibawo si Dad?

Kun si Gabby Concepcion maoy pangutan-on, okay matud pa sila si KC Concepcion ug Piolo Pascual. Pero, taod-taod na matud pa sila nga wala magkasulti ni KC busa posibling nausab na ang sitwasyon. (BANAT NEWS)