SEEN : Ang balita na ikakasal sina Jolina Magdangal at Mark Escueta sa Nov. 21.
Seen : Ang payo ng mga boxing analyst kay Congressman Manny Pacquiao na mag-focus ito sa boxing. Sinabi ng mga boxing analyst na maraming distractions sa boxing career ni Manny - pulitika, showbiz at ang isyu kay Kat Ordoñez.
Scene : Hindi nagpakita si Dionisia Pacquiao sa media sa araw ng laban nina Manny at Juan Manuel Marquez. Natakot si Dionisia na hilaw ang tagumpay ng kanyang anak.
Seen : Ang suggestion na ituloy na ang matagal nang pinakahihintay na laban nina Floyd Mayweather, Jr. at Manny Pacquiao. Talunin ni Manny si Mayweather Jr. para mawala ang mga pagdududa na si Juan Manuel Marquez ang tunay na nanalo sa kanilang laban sa Las Vegas.
Scene : Ipinakita ng mga Pilipino na hindi sila bulag sa katotohanan. Gusto nila na manalo si Pacquiao pero may mga Pinoy na hindi tanggap ang pagkapanalo ng Pambansang Kamao.
Seen : Lumutang na ang dalawa pang suspect sa pagpatay kay Ramgen Revilla, sina Glaiza Vista at Norwin dela Cruz. Itinanggi nina Glaiza at Norwin na may kinalaman sila sa krimen.
Scene : Magpalit man ng manager si Maricel Soriano, mahihirapan ito na burahin sa isip ng publiko ang pagmamalupit niya sa mga kasambahay.
Seen : Sina Nora Aunor, Senator Bong Revilla, Jr. at Congresswoman Lani Mercado, Diana Zubiri, Jackie Forster, Sharmaine Arnaiz at Laurice Guillen sa huling gabi ng lamay para kay Lito Calzado sa Mount Carmel Church noong Linggo. Inilibing kahapon ang ama ni Iza Calzado.
Scene : Best actress si Lilia Cuntapay sa Cinema One Originals Digital Film Festival dahil sa pagganap niya sa Six Degrees of Separation from Lilia Cuntapay. Nakilala si Lilia dahil sa pagganap niya bilang multo sa horror films.