CEBU, Philippines - Tugkaronon ang tubag ni Angel Locsin sa pangutana sa The Buzz kun may relasyon na ba sila ni Phil Younghusband karon. Tubag ni Angel “kami ay dalawang taong in love.” Suma pa ni Angel, dili importante ang titulo nga uyab na sila, ang mahinungdanon malipayon sila sa kun unsa man ang ilang gisaw-an nga pagbati.
La Aunor Enero operahan
Mularga sa Amerika si Superstar Nora Aunor karong January 2012 alang sa iyang throat operation didto sa Boston sa pamasin nga mahibalik na ang iyang tingog nga nahanaw human mipailawom og cosmetic surgery didto sa Japan.
January 9 ang operasyon ni Ate Guy diin mupahuway una siya og usa ka buwan sa Amerika, sa dili pa mubalik sa Pilipinas alang sa iyang mga projects sa TV5 diin may three-year guaranteed contract siya.
Dili imbitaron si Willie
February 2012 gitakda nga manganak ang asawa ni John Estrada nga si Priscilla Meirelles, busa karon namili pa sila og unsay nindot nga ngan para sa umaabot nilang anak nga babaye.
Dihang gipangutana si John kun himuon ba niyang ninong si Willie Revillame, miingon ang host sa Happy, Yipee, Yehey, nga dili na lang kay dili gihapon kini mutunga sanglit wala pa man mahibalik ang ilang maayong relasyon human nanluod si Willie niya.
Mario-Erich movie sa Mayo
April o May 2012 gitakdang ipahigayon ang shooting sa umaabot nga pelikula nila ni Erich Gonzales ug sa Thai actor nga si Mario Maurer para sa Star Cinema. Suma pa ni Erich nga ang “Suddenly It’s Magic” istorya kabahin sa duha ka binuhat nga nagkaila human napakyas ang tagsatagsa nila ka mga relasyon ug dayon nagkahigugmaay.
Salbara kun madala pa
Gitambagan sa beteranang character actress Sylvia Sanchez ang iyang co-star kaniadto sa Iglot, Claudine Barreto nga kun masalbar pa ang kaminyuon niini kang Raymart Santiago, mas maayo nga mao kini paningkamotan sa aktres.
Apan kun wala na matud pay respeto ang magtiayon sa usa’g-usa ug dili na maayo ang komunikasyon, mas maayo nga magbuwag na lang.
Giklaro ni Sylvia nga sa iyang nahibaw-an, wala magbuwag si Raymart ug Claudine apan may problema ang magtiayon.
Maricel may bag-ong manager
Si Vic del Rosario na sa Viva Films, maoy bag-ong manager ni Diamond Star Maricel Soriano busa dako gayud matud pa ang posibilidad nga mamahimo na nga Kapamilya ang beteranang aktres. Nagdumili man tuod pagtuki kabahin sa iyang umaabot nga projects, miingon si Maricel nga sa iyang nahibaw-an may himuon siya nga sitcom.
Ampingi si Kim
“Alagaan mo si Kim” ang mensahe ni Gerald Anderson ngadto kang Xian Lim atol sa pag-guest niini sa The Buzz adtong Domingo. Ang maong mensahe, giluwatan ni Budoy taliwala sa tabi-tabi nga nangulitawo si Xian kang Kim Chiu ug inanay na nga na-develop ang duruha sa usa’g-usa gumikan sa ilang panagpares sa serye “My Binondo Girl.”
Maria Aragon pahalipayan sa NHI
Pasado sa National Historical Institute (NHI) ang pag-awit ni Maria Aragon sa Pambansang Awit atol sa away ni Manny Pacquiao batok kang Juan Manuel Marquez didto sa Las, Vegas adtong Sabado sa gabii.
Suma pa ni Teddy Atienza, chief sa NHI Heraldry Section tukma ang pagkakanta ni Aragon. "Maganda 'yung pagkakanta. Tama. Ang posture niya tama. Ang kanang kamay sa dibdib at pati yung suot niya Filipiniana," nagkanayon si Atienza. Matud ni Atienza walay problema sa rendition ni Maria, gawas sa iyang diction. "Tama naman yung kanyang diction, yun nga lang kasi alam naman natin lahat kung saan siya lumaki, pero walang problema 'yon, maayos ang pagkanta," miingon si Atienza.
Pero dili ba yaya ang pagka kanta ni Aragon? Tubag niya ngadto sa abs-cbnnews.com: "Ang ating national anthem 55 to 60 seconds sa kanya umabot ng 3 seconds na lumagpas. Wala namang malaking problema."
Aron pagmatuod nga pasado gayud si Aragon, miingon si Atienza nga mage-mail ang iyang kampo ngadto sa 11-anyos nga YouTube singing sensation aron pahalipayan kini ug ang iyang mga ginikanan gumikan sa kalampusan niini.
KC dili makapasaylo ni Piolo?
Unsa man gyuy estado karon sa relasyon nila ni KC Concepcion ug Piolo Pascual human gikatahong nagbuwag na sila ug human usab sila nagkuyog sa series of shows sa Amerika with Yeng Constantino?
Si Piolo namahayag nga okay sila ni KC, apan ang dalaga, sa iyang pagbalik sa The Buzz adtong Domingo, human sa usa ka buwan nga pagkahanaw gumikan sa nagkadaiyang shows ug commitments abroad, walay hisgot kabahin sa estado sa maong relasyon.
Ang iyang mga co-hosts nga sila si Boy Abunda ug Toni Gonzaga nga maoy kauban ni KC sa show adtong Domingo wala pud misuway og pangutana niini.
Gipahimug-atan nilang tulo ang malampuson nga performance ni KC sa SEA Games opening didto sa Indonesia adtong Biyernes. Ila pud nga gituki ang kahigayonan sa mga Pinoy nga musikat sa Asya.
Gibutyag pud ni KC nga sa tanan niyang commitments abroad, nag-representar siya sa Pilipinas ug iyang gipasigarbo ang iyang pagka Pinoy, ilabi na sa iyang pagtambong sa dinner party nga gipahigayon ni kanhi US president Bill Clinton.
Apan sa Twitter account niya kagahapon sa hapon, salabtunon ang duha niya ka mga post. Ang una miapila nga hatagan lang una siya og igong panahon, una pa niya paambitan ang pinitik sa iyang kasingkasing ngadto sa tanan nga nagmahal niya.
Siya nagkanayon: “To those who have always shown me support & love...I will share my heart with u guys, as I always have. Just need some time. Love u all...xx” Laing makapaduda nga tweet ni KC mao ang gikan sa TheNoteboook nga nagkanayon:
I still love you, that's a fact. But a million apologizes can't bring me back.