Sibling rivalry?

CEBU, Philippines - GARRY: Kumusta atong mga readers sa BANATanay!

Human sa akong five-day vacation didto sa Mindanao (Cagayan de Oro,GenSan ug Lake Sebu sa South Cotabato) sa milaba’yng semana, back to work na pud kay daghan buluhaton nga gipangbiyaan. Nakugang ang tibuok Pilipinas human sa sunod-sunod nga dugo-ong panghitabo sa sa natad sa showbiz.

It’s like a story of Abel and Cain sa pamilyang Revilla, noh! Ang maguwang nga si RamGen nga promising actor gipusil ug gidunggab patay. Ang nakapaet pa ra ba kay ang dagan sa imbestigasyon sa kapolisan nagtumbok sa iya ra pung duha ka mga igsuon nga matud pa maoy mga utok sa krimen.

While watching television, naluoy gyud ko sa mother ni RamGen, kay tiaw mo na, ang kaugalingong anak maoy suspetsado. Sa akoa, lang dili gyud ko maka-judge dayon nga iyang igsoon nga si RJ ug Ramona ang suspect kay wala pa man gyud napamatud-an, until such time siguro that the court says so. Dili pa pud ko makaingon Vatski nga closed case na kay wala pa man gyud nasang-at ngadto sa korte.

VATSKI: Maayong adlaw, Gar, ug sa tanang loyalista sa Banatanay! Nanimaho na gyung Pasko ay. Sunod buwan, magsaulog na gyud ta sa adlawng natawhan sa atong Manunubos. Excited naka, Gar? Ako, medyo lang, kay another gastuhan napud ni uy. Hahaha bitaw, ana gyud na, as usual, manghatag napud ta og mga regalo nga ginagmay sa atong mga little friends diha sa barangay Poblacion sa Syudad sa Talisay sama sa naandan na sa mga lumalabay’ng tuig. Busa ikaw diha, Garry B. Lao, andama na na imong i-donate nga candies ug toys para aning mga sobra pa sa 300 nga mga bata. Daghang salamat daan!

Anyway, kung unsa ta ka andam na nga mosaulog sa umaabot nga Pasko, unsa kaha ang mga Revilla nga bag-o lang nawad-an og miyembro, samot na nga mga kabanay ra pud nila ang gitumbok nga suspect sa pagpatay kang Ram. Pero ang ako lang, kaya man kaayo ni nila nga sitwasyon, gawas siguro sa inahan mismo nga obvious kaayo nga mura’g gipas-an niya ang kalibutan ron. Luoy biya.

Apan samtang magtan-aw ko sa news kada gabii bahin aning mga Revilla, Gar, makaingun ko, ang mga kwartahan ug gamhanan makalusot gyud sa balaud uy. Kay og nahitabong purdoy pa ni si Ramona sama nako, hagbay ra ning nagtingkagol sa prisuhan!

Sa di pako malimot, happy 3rd anniversary sa Media in Cebu South (MICS) ugma (Nov 8). Aduna ni sila’y gamay’ng selebrasyon sa Larawan Beach anang adlawa, Gar. Invited mo ni Ryanmark, 7PM ni siya. More power sa MICS!

Pangutana: Kumbinsido ba mo sa anggulo nga ‘sibling rivalry” or panagbingkilbingkil tali sa mga managsuon ang rason sa kamatayon ni Ramgen? Ngano man? Unsay tan-aw nimo sa imbestigasyon sa kapolisan? BANAT na hugyawnatics! Ipadayag ang imong opinion pinaagi sa pagpadala niini, uban sa imong ngalan ug address ngadto sa: 0910-268-3713.Kutob ra sa 12 noon (November 7) ang pagdawat nato sa inyong mga mensahe busa text na dayon. Tinarong lang ha, dili mangaway. Okay?