Kapalit ng Comedy Bar, Just for Laughs Gag eere na sa GMA!

MANILA, Philippines - Matapos magbigay saya ng Just for Laughs Gags sa iba’t ibang bahagi ng mundo, naghanda naman sila ng mga hindi matatawarang gags at pranks para pasakitin ang mga tiyan sa katatawa ng bawat Kapuso simula ngayong ika-5 ng Nobyembre sa GMA.

Ang Just for Laughs Gags ay maituturing na pinakatapat na reality show na ipinapalabas sa telebisyon. Ang nasabing programa ay kumbinasyon ng pinag-isipan, pinaghandaan at mga nakatutuwang pranks na ibabato sa mga walang kamuwang-muwang na subjects at huhulihin ng mga hidden cameras ang kanilang nakatutuwang reaksyon.

Ang mga inihandang gags ng nasabing programa ay siguradong maghahatid ng walang humpay na katatawanan at kukumpleto sa Saturday night ng mga Kapuso.

Huwag palampasin ang invasion ng Just for Laughs Gags sa Philippine TV.

Abangan din ang mga nakatutuwang hirit na hatid nito ngayong Sabado, 11:30 PM, pagkatapos ng Inside Protege sa GMA 7.

Last week nag-babu sa ere ang Comedy Bar nina Eugene Domingo at Allan K.

Xian, pasok sa top 10 newsmakers ng google

Pasok sa Top 10 Newsmakers ng Google Philippines ang Kapamilya hunk na si Xian Lim, isa sa leading men ni Kim Chiu sa My Binondo Girl.

Pang-anim si Xian sa listahan ng mga personalidad na pinakapinag-usapan nitong nakaraang linggo dahil sa sunud-sunod na nakakikilig na eksena ng mga karakter nila ni Kim na sina Andy at Jade.

Kasama ni Xian sa listahan ang iba pang Kapamilyang sina Paulo Avelino, Enrique Gil, Pilipinas Got Talent 3 finalist Khalil Ramos at Star Cinema talent na si Mario Maurer.