May pahiwatig!

Alam mo, Salve A., balak ko sanang mag-out of town to take advantage sa apat na araw na walang pasok but at the last minute, I changed my mind and decided to just stay home para magawa ko naman ang mga bagay na hindi ko nagagawa kapag may pasok. Inagahan na namin ang pagdalaw sa puntod ng aking namayapang ama sa Manila Memorial Park sa Sucat, Parañaque last Sunday morning at saka kami tumuloy ng Tanauan, Batangas for an overnight stay.

Nagawa ko ring ipasyal ang aking ina sa Sta. Lucia Mall kasama ang aking mga pamangkin at kasambahay para panoorin ang hit movie ni Vice Ganda, ang Praybeyt Benjamin.

Over the weekend, malaking balita ang pagkakapaslang sa nakababatang half-brother ni Sen. Bong Revilla, Jr. na si Ram Revilla na isa nang malaking dagok sa pamilya Revilla o Bautista. 

Habang naihatid na sa kanyang huling hantungan si Ram at patuloy ang imbestigasyon sa kaso na may kinalaman sa kanyang pagkakapaslang, umagaw din sa news ang pagpatay sa ama ng international singer na si Charice, si Ricky Pempengco, na biktima rin ng pananaksak sa San Pedro, Laguna. Bagay na ikinabigla ng lahat lalung-lalo na si Charice na nasa kalagitnaan ng world tour ng kanyang mentor na si David Foster. Kahit matagal na siyang estranged sa kanyang ama, pinutol ni Charice ang kanyang tour para lamang mapuntahan ang wake. 

As if hindi pa rin ito enough, isa ring malungkot na balita ang aming natanggap nung Miyerkules ng tanghali sa maagang pagpanaw ng movie director na si Direk Boots Plata, ang butihing mister ng talent manager na si Dolor Guevarra.  

Iisa lamang Salve A. ang mensahe na gustong ipaabot sa ating lahat – na walang katiyakan ang lahat para sa atin.  Kaya dapat i-consider natin ang bawat araw na parang ito na ang ating huli dahil hindi natin alam ang bukas at ang puwedeng mangyari sa atin.

TV5 malaki ang pakinabang sa Regal

Simula ngayong Sabado, Nov. 5, lingguhan nang mapapanood ang Regal Shocker sa TV5.

Bukod sa Regal Shocker, napakakapal ng catalogue ng Regal Entertainment, Inc. para gawing TV series o ’di kaya pelikula. Malaki rin ang maitutulong ng Regal in terms of expertise sa produksiyon at advantage ang pagiging agresibo ng TV5 sa kanilang mga proyekto at ang magbi-benefit nito ay hindi lamang mga talents at production people kundi ang mga televiewers.

Roxanne gustong kumita ng datung

May asawa’t anak na ang ex-girlfriend ni Jake Cuenca at dating Star Magic build-up star na si Roxanne Guinoo, ang non-showbiz na si Elton Yap at one year old naman ang kanilang supling na si Rein Elliana pero walang issue sa kanilang mag-asawa ang kanyang pagbabalik-showbiz.

After Star Magic, si Roxanne ay nasa pangangalaga ngayon ng director-talent manager na si Manny Valera under his own DMV Entertainment.

Joem estudyanteng commercial model ang inspirasyon

Napakalaking break ang ipinagkatiwala ng ABS-CBN sa look-alike ni Piolo Pascual na si Joem Bascon dahil napaka-prominent ng kanyang role sa Nasaan Ka, Elisa? serye. Katunayan, unti-unti nang nabubura ang kanyang tag na look-alike ng boyfriend ni KC Concepcion dahil nakikilala na siya ng publiko dahil sa husay niya.

Ayon kay Joem, hin­di siya nag-a-aspire na ma­ging lead actor o ma­tinee idol, ang gusto lamang niya ay ma-recognize ang talent niya bilang aktor at magkaroon ng maraming trabaho bagay na nangyayari naman ngayon.

Si Joem ay hiwalay na kay Meryll Soriano na ex-wife naman ng aktor na si Bernard Palanca. Aminado si Joem na meron siyang bagong inspirasyon ngayon na isang estudyante at commercial model.

Personal…

Ang aking taos-pusong pakikiramay sa pamilya ng aming kumare at kaibigan na si Dolor Guevarra at sa kanilang mga anak sa pagpanaw ng kanyang asawang movie director na si Direk Boots Plata.