Munting Heredera mas nagiging madrama

MANILA, Philippines - Dahil patuloy ang pag-hunting ni Simeon kina Manny at Jennifer, makakahalata na si Nerissa. Si JR naman ang pupunta kina Meding at Emong, na pagbabantaang mapuputulan din ng dila kung hindi ituturo kung nasaan si Manny… 

Ikakanta ni Meding kay JR kung kani-kanino puwedeng magpunta si Manny – at isa na nga roon si Nonoy. Ipauuna ni Simeon kay JR na tuntunin si Nonoy dahil ito ang pinakamalayo sa San Mateo – iuutos na niyang kunin din si Sandra, na siyang maririnig ni Nerissa.

Samantala, aaluin nina Nonoy at Issa si Jennifer, at malalaman nilang Susan pa ang pangalan ng babaeng napanaginipan ni Jennifer bilang ina. Lalong maaalala nina Jennifer at Manny sina Sandra. Despite Nonoy’s apprehensions, umaasa pa rin si Manny na masasanay din si Jennifer sa kanilang bagong sitwasyon. Makakausap ni Jennifer si Teacher Susan and she realizes na hindi ito ang nanay niya; disappointed ang bata. Matapos nito, mapapanaginipan naman ni Jennifer si Sandra na tinatawag siyang anak. Magigising si Jennifer, pero sa­sarilinin nito ang panaginip.

Nagbolonter si Sandra na aalagaan ang anak ni Stanley, na si Allen bilang kabayaran sa itinutulong sa kanila ni Stanley. Babait si Kate kay Sandra dahil dito – pero hindi si Ingrid. Hindi rin masaya si Jacob sa set-up na ito; maghahanap siya ng trabaho para hindi na kakailanganin magtrabaho ni Sandra kina Stanley.

Madadaanan ni Desmond ang tiangge nila Lola Ana, at bubusinahan ang mga ito. Samantala, dadalawin ni Claire ang puntod ni Desmond nang makatanggap ng text mula kay Desmond, pinapauwi na siya; pero titiisin naman ni Claire ang asawa. 

Tatawag si Stanley kay Sandra, at ibabalitang lumabas na ang warrant na hinihintay nila against Manny. Aalis sila sa bahay – hindi alam na may nakaabang na rin kay Sandra doon. Sa pamamagitan ng text  wawarningan ni Nerissa si Sandra – huwag daw itong uuwi dahil may kahina-hinalang mga lalaki doon. Magsisisigaw si Sandra habang tumatakbo.

Buti na lang at makakasalubong ni Sandra si Jacob – wala na ang mga lalaking nakasunod sa kanya. At nang mag-report si JR kay Simeon na hindi nila nakuha si Sandra, matutuwa naman si Nerissa sa kanyang narinig.  

 Ito ang mga madramang eksena na mapapanood sa Munting Heredera ng GMA 7 na extended dahil sa bonggang rating.