Kumalat ang tsika last week na lumipat na naman ng manager ang isang magaling at controversial na actress na ang alam ng lahat, may manager namang tumutulong sa career ng aktres. Hindi muna namin pinangalanan ang actress habang kinukumpirma namin ang balitang ito.
Sabi nang nagbalita, maayos ang pag-uusap ng aktres at ng kanyang talent manager na lilipat siya ng ibang magma-manage sa kanyang career, kaya walang isyu sa kanilang dalawa.
Magaling na talent manager ang binanggit na nilapitan ng magaling at controversial actress at malaki ang magagawa ng taong ito para tuluyang sumigla ang career ng actress na tila nananahimik.
Maganda nga naman kung after ng comeback ng aktres ay masundan agad ng isa pang big project sa tulong nang sinasabing bago niyang manager.
Iza ayaw nang pag-usapan ang ex na nagpa-sexy
Ayaw nang mag-comment ni Iza Calzado sa ex-BF niyang si Atticus King na nagpa-sexy nang rumampa sa nakaraang Cosmo Bash. Buhay daw ng ex niya ’yun at nirerespeto niya ang anumang desisyon nito. “Wag na nating pag-usapan ‘yun, we’re just trying to move on,” pakiusap ni Iza.
Walang bagong nali-link kay Iza dahil mabilis nabura ang isyu sa kanila ni President Noynoy Aquino, pero puwede na raw siyang ma-in-love uli dahil three months na siyang loveless.
Sa Eat…Bulaga at Showbiz Exclusives ng GMA News TV lang busy si Iza ngayon dahil wala pang schedule ng shooting ng Valentine’s Day movie niya with John Lloyd Cruz and Sarah Geronimo sa Star Cinema at Viva Films, kung saan, role ng GF ni John ang kanyang gagampanan. Kaya may time siyang mag-workshop sa mga taga-Stella Adler na darating from November 25-December 2.
Elimination na
Mamaya na ang first live elimination night ng Protégé, ang biggest singing talent search ng GMA-7 sa Centerstage ng SM Mall of Asia. Isang protégé at kanyang mentor ang mai-eliminate. No wonder, tutok ang mga mentor sa pagre-rehearse sa kanilang protégés.
Ruffa excited kay LT
Excited si Ruffa Gutierrez sa paggi-guest niya sa Glamorosa ng TV5 dahil makakasama niya uli sa trabaho si Lorna Tolentino. Tweet ni Ruffa, she was 15 years old the last time she worked with LT at neneng-nene pa siya that time.
Hindi binanggit ni Ruffa kung ano ang kanyang role at kung sino ang makaka-eksena, pero wala kaya silang eksena ni Zoren Legaspi na kasama rin sa soap as Alice Dixson’s boyfriend?