Jolo bawal munang magtrabaho

Seen : Ang pahintuin si Jolo Revilla sa My Binondo Girl ang final decision ng kanyang mga magulang upang makapagpahinga siya at mabawasan ang pag-atake ng kanyang migraine. Stress-related ang madalas na pagsakit ng ulo ni Jolo.

Scene : Sina Cesar Montano at Dingdong Dantes ang mga host ngayong gabi ng Manny Many Prizes dahil nasa Amerika si Congressman Manny Pacquiao.

Seen : Magkasabay na huminto sa pag-tweet si Jackie Forster at si DJ Angelica ‘Angeli-copter’ noong September at muling bumalik sa Twitter noong second week ng October. Sina Jackie at DJ Angelica ang pinaghihinalaan na magkapareha sa Survivor Philippines: Celebrity Doubles.

Scene : Ang awkward pose ni Alice Dixson sa teaser plug ng Gla­morosa. Conscious si Alice sa itsura niya sa harap ng kamera.

Seen : Bumiyahe sa London si Miss Philippines World Gwendoline Ruais para sa Miss World 2011 competition. Ang international fashion designer na si Oliver Tolentino ang gumawa ng suit na ginamit ni Gwendoline sa pag-alis nito.

Scene : Si Rachelle Ann Go ang one and only girl na nakarelasyon ni Christian Bautista. Loveless pa rin si Christian hanggang ngayon.

Seen : Ang taping ng Protege contestants sa Trinoma at si Mikael Daez habang naglalakad sa nasabing mall noong Huwebes.

Scene : Ang fashion show bukas ng Bench, Kashieca, at Human sa SMX function room ang kick off ng Philippine Fashion Week. Rarampa sa fashion show ang kanilang mga celebrity endorser.