CEBU, Philippines - Gumikan sa kalamposan sa album ni Anne Curtis nga “Annebisyosa”, nangandoy ang aktres nga makaangkon og solo concert puhon ug dinhi masukod kung unsa kabaga sa mga tawo nga misuporta sa iyang album.
Kapatid gipalabi ni Maricel
Gidungog nga interesado ang Dos nga kuwaon pagbalik si Maricel Soriano apan nibalibad ang aktres gumikan kay duna pa kini mga commitment sa TV 5.
Laag naapektohan
Tsika pa ni Mark Herras dinhi sa Banat News Hugyaw nga usahay na lang kaayo sila manglaag sa iyang higala nga si Ranier Castillo gumikan kay pareho sila nga busy sa ilang tagsa-tagsa ka mga career.
Magtuyok-tuyok sa Pilipinas
Gibutyag ni Bret Jackson nga duna pa’y nahibilin nga 30 kapin nga mga lugar sa Pilipinas ang adtoan ni Fretzie Bercede alang sa stage play nila nga “Romeo and Juliet”.
Gina 60 anyos na ugma
Usa ka intimate party ang giandam sa mga kabanay ni Gina Pareño ugmang adlawa sa balay sa aktres sa Parañaque City gumikan kay magsaulog na kini sa iyang ika-60 ka tuig nga adlaw nga natawhan.
Marian dili magpaapekto
Gipaneguro ni Marian Rivera nga dili maapektohan ang relasyon nila ni Dingdong Dantes sa ka-busy niya karon sa taping sa Amaya.
Maliksi sa Wansapanataym
Si Maliksi Morales maoy bida sa episode sa “Wansapanataym” ugma nga nag-ulohan og “Ang Ulan at Payong” nga mopakita sa pamaagi sa saktong pag-atiman sa kalikupan.
Sunshine mobalik sa showbiz
Misugot na si Cesar Montano nga mogawas sa usa ka teleseye ang kapikas niya sa kinabuhi nga si Sunshine Cruz.
Patik ni Romnick gitago
Mapasalamaton si Romnick Sarmenta gumikan kay pari ang iyang role sa Iglot busa dili maklaro ang patik nga naa sa iyang bukton gumikan kay matabonan kini sa sotana.
Walay apil si Binoe
Dili na gayud mahinayon ang pelikula ni Robin Padilla nga “Mr. Wong” isip entry sa Metro Manila Film Festival karong December. Gumikan niini ang Asiong Salonga ni Governor E.R. Ejercito maoy muhulip.
Hadlok sa Resulta
Nagduha-duha na matud pa si Jinkee Pacquiao sa panawagan nga ipa-DNA test ang giingong “love child” sa iyang bana nga si Manny ug sa ginganlan og Kat Ordoñez. Kini tungod kay dili na matud pa niini madawat ang kamatuoran kun positibo gayud ang mugawas nga resulta.