Dalawang lalaki ang makikilala bilang bagong host ng pinaka-bagong edisyon ng Pinoy Big Brother Unlimited na ang bahay ay muling bubuksan sa Oktubre 29, Sabado. Malalantad sa publiko ang mas pinaganda at pinalaking PBB house at ang bagong co-host nina Toni Gonzaga at Bianca Gonzales na sina Robi Domingo at Martin Concio.
Sa dalawa, si Robi lamang ang nakasama nina Toni at Bianca na humarap sa press sa grand launch ng ikaapat na regular season ng PBB, may sakit kasi si Martin.
Hindi maitago ni Robi ang excitement sa paghu-host ng programang nagbigay daan sa kanyang pag-aartista. Pumangalawa siya noong 2008 sa PBB Teen Edition Plus.
Sa ginanap na auditions mula Marso hanggang Setyembre, pinaka-marami ang nag-audition for this season, mga 30, 789.
Sa pagharap nina Toni, Bianca, Robi at director Laurenti Dyogi sa press, maraming katanungan silang sinagot, no holds barred, maging ang tungkol sa pagkawala ni Mariel Rodriguez, hindi lamang sa programa kundi sa network pero hindi na namin tatalakayin dahil may sarili na itong programa sa kabilang istasyon, pababayaan na lang siyang manahimik doon. Ang importante, hindi naging factor ang PBB sa pag-alis niya. Choice niya kung saan siya masaya.
Dahil wala si Martin, naiwan kay Robi ang pagsagot sa mga katanungan tungkol sa pagkakasali nila sa programa. Inamin nito na nag-bonding sila ni Martin para magkakilala pa ang isa’t isa.
Sinabi naman ni Direk Lauren na hindi siya naghanap ng bagong housemates na meron na sila, tulad nina Sam Milby at Melai Cantiveros kundi ng mga inspiring characters.
Ayaw ding patawag ni Bianca ng “ate” kay Robi. “Bianca na lang, nakakatanda ang ate,” pakiusap niya.
Carla gustong matutong umarte sa magiging biyenan
Sinabi ni Carla Abellana, gusto niyang mag-workshop sa ina ng kanyang boyfriend (Geoff Eigenmann) na si Gina Alajar. Gusto niyang madagdagan pa ang kanyang kaalaman sa pag-arte at naniniwala siya na marami siyang matutunan kay Gina. ‘Yun nga lamang, hindi pa niya ito nakakausap.
Samantala, going strong pa rin ang relationship nila ni Geoff. Hindi ito apektado sa biglang pagbabago ng kanyang image.
Fiesta sa fontana
Magdaraos ng fiesta sa Fontana Hotspring Leisure Park sa Oktubre 21 to 23. It will be a two-day affair which will feature some musical events.
Tickets are at P300 inclusive of two-day entry to the venue with two cups of SMB Draft Beer, limited edition t-shirt, raffle entry, free entrance sa Upper Water Theme Park.
Para sa mga detalye, tumawag lamang sa (045) 599-577 local 7887, 7895 or 09178095587.