Shaina nagselos to death nang makitang kausap ni John Lloyd si Liz Uy

How true na nag-emote si Shaina Magdayao nang makita nito na kausap ni John Lloyd Cruz si Liz Uy sa birthday party ni Bea Alonzo?

Si Shaina ang makakapagbigay-linaw sa isyu dahil siya ang involved. Tanging siya ang nakakaalam sa tsismis na nakaramdam siya ng selos nang ma-sight niya na kinakausap ni John Lloyd ang ex-dyowa nito.

Birth certificate ng ‘anak’ ni Pacman pinipilahan sa NSO

Nag-deny si Lito Camo na isinangkot niya ako sa paglabas ng mga litrato sa binyag ng anak ni Kat Ordoñez pero huli na ang lahat.

Nang magkuwentuhan kami kahapon ni Papa Deo Macalma sa dzRH, napag-usapan namin na may mga tao raw na pumila sa National Statistics Office (NSO) para kumuha ng kopya ng birth certificate ng bagets.

’Yan ang effect ng birth certificate controversy na ibinintang sa akin. True man o biruan lang ang pila sa NSO, nagkaroon ng idea ang mga tao na kalkalin ang birth certificate ng bata para malaman ang tunay na identity ng kanyang ama.

May mga dare pa kay Kat na ipa-DNA test niya ang kanyang anak at magsalita siya sa harap ng TV camera, huwag lamang sa phone-patch interview dahil kahit sino, puwedeng i-claim sa telepono na sila si Kat. O ’di ba, sikat na sikat na si Kat?

Manny hindi totoong tumawag

Nakakaloka ang ibang tao. Mamimik-ap lang ng kuwento, mali pa ang kanilang pagkakaintindi.

Hindi totoo na tinawagan ako ni Congressman Manny Pacquiao mula sa Amerika. Hindi kami nagkakausap. Ang mga kaibigan lang niya ang tumawag sa akin at nagtanong kung puwede na kausapin ako ni Lito Camo.

Wala akong isinusulat o sinasabi na tinawagan ako ni Manny. Hindi niya alam ang numero ng mga telepono ko!

Shalani fan ni Robin

Hindi naman nabawasan ang trabaho ni Shalani Soledad sa Wil Time Big Time dahil sa pagpasok ni Mariel Rodriguez bilang co-host.

Napansin ko na pantay na pantay ang participation nina Mariel at Shalani, as in hating-kapatid ang work nila.

Puring-puri nga ni Mariel ang ugali ni Shalani na isa lang ang request. Puwede ba raw na magpa-picture siya na kasama si Robin Padilla kapag dinalaw nito si Mariel sa studio nila?

Alfred magbabantay sa panganganak ng misis

Magkausap kami kahapon ni QC Councilor Alfred Vargas dahil nag-goodbye siya sa akin, porke pupunta siya sa Italy para dalawin ang kanyang asawa at anak.

Sandali lamang si Alfred sa Italy dahil babalik siya agad. Sasamahan at babantayan niya ang misis na nakatakda na magsilang sa susunod na linggo sa kanilang second baby girl.

Maraming ipagdiriwang si Alfred next week dahil magkasunod ang birthday nila ng kanyang panganay at baka maging ka-birthday pa nila ang parating na second baby.