MANILA, Philippines - Mapapanood ngayong gabi (Oktubre 18) sa Patrol ng Pilipino ang report ni Jeff Canoy tungkol sa kondisyon ng mga Pinoy sa Japan matapos ang napakalakas na lindol, tsunami, at ang panganib ng radiation na gumimbal noong Marso sa mga naninirahan doon.
Titingnan ng episode na ito ang kalagayan ng mga Pilipinong namumuhay at nagha-hanapbuhay sa Land of the Rising Sun, na ipapalabas sana noong nakaraang buwan ngunit nagbigay daan sa espesyal na coverage ng network ng Bagyong Pedring.
Samahan si Jeff Canoy sa kanyang paglalakbay sa Japan at pakinggan ang kuwento ng mga Pinoy na nakatira sa Japan bago, habang at pagkatapos ng tatlong sakuna.
Bibisitahin ni Jeff ang ating mga kababayan na nanatili sa Japan at alamin kung paano sila naapektuhan ng mga trahedya. Ano ang dahilan ng kanilang pananatili at patuloy na paghahanap-buhay doon sa kabila ng lahat ng kanilang pinagdaanan?
Ang lahat ng ito at marami pang iba sa Patrol ng Pilipino pagkatapos ng Bandila sa ABS-CBN, o sa mas maagang pag-ere nito sa DZMM Teleradyo (SkyCable Ch. 26), 9:15 ng gabi.