Dating magkarelasyon? Gladys nagtago nang makita si Janno
PIK : Mariing itinatanggi ni Marian Rivera ang isyung nagli-live in na sila ni Dingdong Dantes.
Sa Cubao daw nakatira si Dingdong, at sa Makati naman siya.
Madalas lang daw sila dumadalaw sa isa’t isa pero hindi raw sila nagsasama sa iisang bubong.
Pero hindi rin daw sila nagkikita lately dahil sa pareho silang abala. Lalo na si Marian na halos araw araw ang taping sa Amaya na na-extend pa hanggang January 2012.
PAK: Totoo kayang nataranta raw si Gladys Guevarra nang nag-guest si Janno Gibbs sa Manny, Many Prizes nung nakaraang Sabado?
Nag-promote si Janno sa kanyang concert na Janno Gives na ginanap sa Music Museum kagabi.
Matagal na ang isyu nilang dalawa kaya wala naman kay Janno kung nag-promote ito sa programang kasali si Gladys.
Pero itong comedienne/TV host ang nataranta at hindi raw alam kung saan siya pupunta para hindi sila magkita.
BOOM : Kinumpirma ng ilang taong malapit kay Janna Dominguez na nagdadalang-tao nga ito courtesy of Mickey Ablan.
Tatlong buwang buntis na raw ito pero lumalabas pa rin minsan sa ilang TV guestings. Kaya lang medyo halata na raw ang tiyan nito ngayon.
Ayaw pa ring magsalita ni Janna tungkol sa kanyang kalagayan. Pero abangan ‘nyo raw ang pagbalik ni Iwa Moto mula Japan dahil may matinding pasabog daw ito tungkol sa kanila ni Mickey.
Parang alam na namin ito, kaya hanggang ngayon ay tahimik si Janna sa kanyang tunay na kalagayan.
- Latest
