MANILA, Philippines - Tutok sa Life and Style with Gandang Ricky Reyes ngayong Sabado alas-onse ng umaga sa GMA News TV 11 para matunghayan ang coverage ng isang natatanging parangal sa mga guro.
Blow by blow account ng Gabay-Guro 2011 na ginanap sa Mall of Asia ang ihahatid ni Mader Ricky. Special guest naman sa programa ang Ms. Philippines Earth 2011 na si Athena Imperial na ngayo’y mistulang tipikal na titser sa mga batang iminumulat niya sa kanyang anti-plastic campaign.
Dalawang guro na tapat sa propesyon ang pararangalan ni Mader. Huwaran sila at namumukod-tangi sa kanilang mga kasamahan.
Sa Mall of Asia ay nagtayo ng isang Gandang Ricky Reyes booth at doo’y ginupitan, inayusan at pinaganda ang mga dumalong guro. Nagkaroon ng isang beauty contest at ang nanalo’y kinoronahang Gandang Guro 2011 nina Mader, Athena at first lady ng Pasay City na si Madam Calixto.
Magbibigay ng mensahe sa mga guro ang mga Kapusong sina Rhian Ramos, Jose Manalo, Wally Bayola, Sheena Halili, EB Babes, Paulo Ballesteros, at ang debonair balladeer na si Richard Poon.
Ang Life and Style with Gandang Ricky Reyes ay produksiyon ng ScriptoVision.