Sino pa ang makaka-miss kay Mariel Rodriguez sa Happy Yipee Yehey kapag nagtagumpay ang ABS-CBN na kunin para makapalit niya si Shamcey Supsup? Alam naman ng lahat kung gaano ka-vibrant at ka-lively ang Miss Universe 3rd runner-up kaya lang baka ma-insecure naman sa kanya ang mga daratnan niyang lady co-hosts ng show, lalo na si Bianca Manalo, dahil hindi na siya ang nag-iisang beauty queen sa show.
Let’s hope na mapunan ni Shamcey ang space na malilikha sa pagkawala ng misis ni Robin Padilla na nagpasyang maging Kapatid na.
Ogie at mani pakakantahin sa serye
Para hindi naman masayang ang talento na kung saan ay nakilala sina Ogie Alcasid, Manilyn Reynes, Marc Abaya, Julie Ann San Jose, Donna Cruz, Elmo Magalona, at Timmy Cruz, linggu-linggo ay magkakaroon ng production ang Daldalita, isang bagong teleserye ng GMA 7 na magsisimulang mapanood sa Oct. 15.
Tampok sina Ogie at Jilliard Ward bilang mag-amang pinaghiwalay ng pagkakataon.
Direktor ng serye si Don Michael Perez, ang direktor ng Trudis Liit na kung saan ay nagawa niyang big star si Jillian Ward. Ginawa rin siyang direktor ng Bantatay na kung saan ay pinaarte niya ang isang aso. Itinuturing niyang pinakamalaking hamon sa kanya itong Daldalita dahil kailangang mapagtagumpayan niyang mapagsama-sama sa isang palabas ang isang hitmaker, iisang child wonder at iba’t ibang klase ng mga nagsasalitang hayop.
Tatlo sa mga ito ay magkakaroon ng major roles sa serye, sina Daisy Duck, Bobby the pig, at Kirat, the mouse na bibigyan ng boses nina Candy Pangilinan, Mike Pekto Nakua, at Wally Bayola.
Aiza inuulan ng regalo ang protégé
Napaka-suwerte talaga ng napiling protégé ni Aiza Seguerra na si Krizza. Naisulat ko na nun na palaging kasama ito ni Aiza sa mga lakad niya at maging sa kanyang mga gigs. Ini-expose kasi niya ito for a possible singing career kung sakali mang hindi ito palaring manalo sa reality singing search na Protégé.
Ngayong naka-quarter na ang 10 protégés sa isang lugar na kinuha para sa kanila ng GMA, isa rin sa pinaka-mapalad si Krizza dahil weekly itong dinadalaw ng kanyang mentor. Last Thursday ay dinadalhan pa siya ni Aiza ng mga presents tulad ng iPod, CDs, gitara, damit, at kung anu-ano pang makakapagpasaya rito. Baka ito ang dahilan kung kaya naglabas ng sama ng loob ang isang protégé na hindi yata nadadalaw ng kanyang mentor.
At sino kaya ’yung pinapasaringan ni Rey Valera na protégé na sa halip na magpakita ng galing ay awa ang ginagamit sa mga manonood at judges? Hindi pa man nagsisimula ang opisyal na labanan ng sampu, meron na agad iringan.
Zoren iniinsulto si Pacman
Kapag ipinagpilitan ni Zoren Legaspi ang sinasabing pagpapabinyag ng isang sinasabing anak ni Manny Pacquiao sa ibang babae, malamang malagay siya sa alanganin, lalo’t idi-deny ng kampeong boksingero at kongresista ng bansa ang balita niya.
Dapat ma-realize ni Zoren na isang pinakamahalagang Kapuso ang binabanatan niya para sa kapakanan ng show ng ibang istasyon. Baka naman pagdating sa insulto he will have to choose between Kapuso and Kapatid.