CEBU, Philippines - Gisalikway na lang ni Aljur Abrenica ang mga intriga nga pang-support roles na lang siya karon, human siya nagbida sa
The Last Princeug
Machetesa GMA-7 kaniadto.
Kini human siya gilakip karon sa epicserye nga ‘Amaya” starring Marian Rivera, isip ang mangugubat nga si Dayaw.
Rason ni Aljur nga bisan og nagbida na sa usa ka proyekto, dili kini garantiya nga lead role ka na lang gayud hangtud sa hangtud.
“Hindi ibig sabihin nun na hindi na ako tatanggap ng supporting roles.” Artista tayo, e. ‘Yan ang trabaho natin. Kumbaga, yung pagiging artista, dapat maging flexible ka, na lahat ng characters, lahat ng shows na ibibigay sa iyo ay kaya mong gampanan. And para sa akin, every show, every character is a challenge for me.
“So, hindi ako tumitingin sa ganung estado na kailangan bida ka lagi,” litaniya ni Aljur ngadto sa PEP.
Tigi sa box office
Karon napanlantawan na nga magtigi alang sa titulo nga Box Office King karong tuiga sila si Derek Ramsay ( No Other Woman), Gerald Anderson (Catch Me I’m In Love) ug Aga Muhlach (In The Name of Love). Pero dako gyud ang kahigayonan ni Derek sanglit ang iyang pelikula milapas na og P200 million gross sales, kang Aga P117.2 million, ug kang Gerald P120.21 million.
Rufa suki sa “D”
Apil si Rufa Mae Quinto sa umaabot nga soap sa GMA-7, Daldalita starring Jillian Ward. Pwes tweet niya kagahapon: Soap from Gma na nagawa ko Darna, Dyesebel, Diva, Dwarfina... Now Daldalita!I wonder why D ang shows ko,ano kaya meaning nyan guyz?am I super D!?
Set sa Glamorosa happy
Malipayong gipahibawo ni Lorna Tolentino nga nindot matud pa ang ilang vibes sa tanang casts sa iyang umaabot nga soap sa TV5, ang Glamorosa. Alegre ug gaan matud pa kanunay ang ilang trabaho sa set, ilabi na nga managhigala na gyud silang daan sa ilang direktor nga si Eric Quizon, sanglit nagkauban man sila kaniadto sa pelikulang “Pusong Mamon” with Ricky Davao.
Piolo ug KC magkuyog sa Amerika
Tak-om ang baba ni Piolo Pascual sa mga pangagpas nga buwag na sila ni KC Concepcion hinungdan nga milarga ang dalaga sa Paris aron magpahungaw sa kasakit sa dughan. Gipanghambog hinuon niya nga magkuyog sila ni KC sa Amerika alang sa lima ka shows kauban si Yeng Constantino.
JM di panguyaban si Charee
Matud ni JM de Guzman dili niya irisgo ang maayong relasyon sa trabaho ni Charee Pineda busa dili siya manguyab sa dalaga ilabi na nga subli silang magpares alang sa solo project niya nga Angelito, Batang Ama sa ABS-CBN.
Baron gipasaylo ni Yasmien
Giatras na ni Yasmien Kurdi ang kasong acts of lasciviousness batok kang Baron Geisler human miluwat og public apology ang kontrobersyal nga actor. Gikatahong may press conference sila nga gipahigayon kagabii aron ipahibawo ang kalambuan nga nahusay na sila.
Julia nanambok
Nahibalik na sa Pilipinas si Julia Montes human sa usa ka buwan nga US tour kauban si Kathryn Bernardo, Maja Salvador, Coco Martin ug uban pang kapamilya stars. Gipahibawo niya duna matud pay angay atangan ang iyang mga fans tungod kay duna siya’y himuon apan dili mahimong idetalye. Pagkakaron mag-diet una siya sanglit nanambok siya tungod sa lamiang pagkaon didto sa Amerika.
Piolo mulugwa sa 100 Days
Human ni John Lloyd Cruz, si Piolo Pascual na pud maoy may guest appearance sa teleseryeng 100 Days To Heaven sa ABS-CBN, starring Xyriel Manabat ug Coney Reyes. Pediatric cardiac surgeon nganlan og Dr. Ivan Carlos ang character ni Piolo.
Enchong nangandoy og solo concert
Solo concert ug lead role sa usa ka comedy movie ang mga gipangandoy ni Enchong Dee nga mahitabo sa iyang career, ilabi na nga bag-o lang siyang mi-renew sa iyang kontrata sa ABS-CBN. Buot pud niya nga mamahimong maayong host.
Sa natad sa acting, matud ni Enchong nga buhaton niya ang tanan aron mapalambo pa ang iyang abilidad sa natad sa arte.
“I always think that I still have a long way to go. I always aim to improve myself even more in terms of acting. So everytime I get to work with great actors and directors, I always keep in mind the new lessons I learn from them,” nagkanayon siya.
Samtang dako gayud ang pasalamat ni Enchong sa tanan nilang fans ni Erich Gonzales nga todo ang suporta sa ilang teleserye, ang Pinoy adaptation sa Maria la del Barrio, nga dili gayud kabintahaan ang rating sa nationwide race.
“A lot of people watch the show for its patent ‘kilig factor.’ The story of Maria and Luis is so relatable that even at times it gets to a point of being corny, it still charms the audience. I am so happy with the show’s consistent high TV ratings and thankful to our fans and loyal viewers,” niya pa.
Linn Oeymo Good Gyud Og Vibes
CEBU, Philippines - Sa tanang casts nga babaye sa bag-o lang nahumang youth-oriented show, “Good Vibes” sa ABS-CBN, si Yen Santos ra maoy nalakip sa gipuling show “Growing Up.” Apan ang co-star niya nga si Linn Oeymo, wala mahiubos ug masina niining maong kalambuan. Para niya, muabot ra ang haom nga project alang niya sa tukmang panahon.
“I’m very happy for her (Yen). She deserves it. At saka magaling naman talagang umarte yun,” nagkanayon si Linn dihang nahinabi sa Banat News Hugyaw diha sa backstage sa Gaisano Main Foodsquare adtong Sabado sa gabii.
Ang Fil-Norwegian nga si Linn maoy kauban ni Martin del Rosario isip celebrity guests alang sa 18th Anniversary sa Gaisano Country Mall diin usa ka buwan ang selebrasyon pinaagi sa paglugwa sa lain-laing mga artista matag Sabado, inubanan usab sa nagkadaiyang promos alang sa mga suki sa maong tindahan.
Si Linn nasulod sa showbiz human siya mi-audition sa unang season sa Pilipinas Got Talent diin iyang gipakita ang iyang talento sa sayaw. Apan wala siya makaabot sa semi-final round. Pero nakit-an sa usa sa mga hurado sa maong reality show nga si Freddie Garcia ang iyang potensyal busa girekomendar siya niini ngadto sa mga kadagkuan sa Star Magic. Dinhi na nagsugod ang tanan alang kang Linn.
Nalakip siya sa Shoutout, ang launching pad sa tanang bag-o nga talents sa Star Magic. Wala man tuod nagdugay ang maong daily talent show, usa siya sa mga bulahang nalakip sa casts sa Good Vibes, diin loveteam niya si Enrique Gil. Pero giklaro niya nga managhigala lang gyud silang duha.
“It (Good Vibes) was very overwhelming. It was a good experience,” hinumdom pa niya.
Upat na sila ka tuig nga nanimuyo dinhi sa Pilipinas. Norwegian ang iyang amahan ug Pinay ang iyang inahan. Nahukman matud pa sa iyang mga ginikanan nga dinhi na sa Pilipinas magbase aron hingpit nga mahangop ni Linn ang kulturang Pinoy. Duha sila ka managsuon ug ang 17 anyos nga si Linn maoy kamaguwangan.
Sa gitas-on niya nga 5’7, dili layo ang posibilidad nga mamahimo siyang beauty-queen. Tuod man bukas siya niini, pag-abot matud pa sa tukmang panahon. Pagkakaron, naningkamot una siya nga mapalambo ang iyang potential sa dancing ug acting pinaagi sa nagkadaiyang workshops nga iyang salmutan. Kasamtangan usab siya nga nagkuha og kursong Communication Arts isip pagpangandam sa iyang kaugmaon.
“I never thought na mapasok ako ditto (showbiz). I’m just hoping to get more projects,” nagkanayon ang maanyag nga dalagita nga anggid og dagway ug barug sa Fil-American nga si Melissa Ricks.
Ang award-winning actor nga si Jericho Rosales maoy iyang crush sa showbiz. “Kasi he is nice, down to earth at magaling din umarte,” pagtapos pa niya.