Matutuwa ang male fans ni Lovi Poe sa ibinalita nitong may topless scene rin siya sa Aswang at hindi lang si Paulo Avelino ang magta-topless. Topless siya sa eksenang naglalagay siya ng oil sa buo niyang katawan.
Pang-limang movie ni Lovi ang Aswang this year at nasa Yesterday, Today, & Tomorrow din siya. As if, hindi siya busy, nagsimula na rin siyang mag-record ng third album niya under Universal Records na balak i-release before the end of the year.
Teka sino kaya ang pinatungkulan ni Paulo at anong isyu sa tweet niyang, “May maisulat lang talaga. Walang credibility at puro haka-haka lang ang basehan.” May kinalaman kaya ito sa personal life niya na ayaw niyang pag-usapan? Kapag may press na nagtatanong, kundi smile ay hagod sa likod lang ang kanyang sagot.
Anyway, sa November 2 na ang showing ng Aswang sa direction ni Jerrold Tarog at sa premiere night, may kagatan promo na ang winners ay mananalo ng tickets to Hong Kong and China courtesy of Mother Lily and Regal Entertainment.
Coco suwerte kay Kris
May pictorial si Kris Aquino sa Sunday para sa Holiday ad ng Bench at kasama niya si Coco Martin. Ngayon lang yata hindi magsosolo ang TV host-actress sa Bench ad niya at suwerte si Coco na siya ang napili ng Bench na isama kay Kris.
Samantala, this week, Wednesday to Friday ang shooting nila ni Dingdong Dantes para sa MMFF entry nilang Segunda Mano. Nasusunod ang schedule ni direk Joyce Bernal sa shooting ng pelikula, kaya matatapos sila ng on time.
Jake mahilig mang-agaw
Biniro namin si Jake Vargas na mang-aagaw siya ng show dahil sa ibinalitang after Pahiram ng Isang Ina at habang naghihintay ng next soap, ilalagay muna siya sa Pepito Manaloto bilang lumaki na anak nina Michael V at Manilyn Reynes.
Malapit nang matapos ang Pahiram…, at hindi makakalimutan ni Jake ang working experience niya with direk Joel Lamangan na kinatakutan niya noong una.
Finally, umamin din si Jake na naligalig siya ng konti nang maging open si Derrick Monasterio na crush niya ang ka-love team niyang si Bea Binene. Pero tapos na ‘yun after kausapin ng management si Derrick na tigilan si Bea.
Donna diretso airport pagka-taping
May special participation si Donna Cruz sa Daldalita at kundi kami nagkakamali, siya ang gaganap na ina ni Jillian Ward. Two days nag-taping si Donna na dahil based in Cebu, airport to the set ang schedule kahit sa Taal, Batangas pa ang location nila ni Ogie Alcasid.
Ngayon lang uli mapapanood umarte si Donna, kaya natutuwa ang fans nito. Kaya lang, hindi pa yata siya ready sa mas mahabang taping days.