PIK : Binabalak pala ni Janno Gibbs na magkaroon ng renewal of vows sila ni Bing Loyzaga sa kanilang silver wedding anniversary.
Dito mapapatunayan ng mag-asawa na hindi nga sila magkahiwalay at suportado nila ang isa’t isa.
May concert si Janno sa Music Museum sa Oct. 15 na pinamagatang Janno Gives kung saan ang Yes Pinoy Foundation ni Dingdong Dantes ang beneficiary ng naturang concert.
PAK : Hindi nakasipot si Nora Aunor sa taping ng Sa Ngalan ng Ina kahapon. Ang buong akala ng production staff, kaya na ng Superstar na bumalik sa trabaho pero hindi pa pala.
Kinunan na lang ang mga eksenang hindi siya kasali.
BOOM : Kahapon naman ay ibinalik sina Jeric Rizalado at Vivo Ouano sa Department of Justice para muling imbestigahan sa pagkakasangkot nila sa buy-bust operation ng PNP-AIDSOTF.
As of presstime, hindi namin nakakausap si Vivo pero mukhang mapapagaan naman ang kaso nito dahil negatibo ito sa drugs at nadamay lang siya sa grupo ni Jeric.
Inaasahan ni Vivo na makakalabas na siya sa pagkakakulong sa Camp Crame.