Nikki itinago ang anak sa hiniwalay ng asawa
Higit na gumanda ngayon si Nikki Valdez na napuna ng entertainment press sa presscon ng Praybeyt Benjamin. Naghiwalay na pala sila ng kanyang asawa at itinago ang anak niya rito.
Ngayon ay nag-uusap na sila ng ex-husband at naging magkaibigan na. Higit sa lahat ay nakita na nito ang kanilang anak.
Marahil wala na siyang problema kaya makakapag-concentrate na sa kanyang career at gumaganda ngayon. Hindi naman siya nababakante sa paglabas sa telebisyon sa ABS-CBN.mas komportable na sa aktingan
Inamin ni Vice Ganda na komportable na siyang magtrabaho ngayon kesa sa launching movie na Petrang Kabayo.
Ayon sa bading na komedyante, gamay na niyang makatrabaho si Wenn Deramas na direktor niya rin sa Petrang Kabayo at malaya siyang nagbibigay ng suggestion dito para sa ikagaganda ng pelikula.
“Maganda ang mensaheng mapupulot dito dahil tumatalakay ito tungkol sa pagmamahal sa isang pamilya at pagtanggap sa kasarian ng isang tao,” sabi ni Vice.
Eddie saludo sa pagpapatawa ni Vice
Puro papuri ang sinabi ni Eddie Garcia na kasama rin sa said movie tungkol kay Vice Ganda.
Ayon sa premyadong aktor-direktor, “Iba ang kanyang istilo sa pagpapatawa at hindi siya nangongopya. Dedicated siya sa trabaho at gustong mapaganda ang lahat ng eksena.”
Sa Praybeyt Benjamin ay magpapakalalaki na si Vice alang-alang sa kanyang lolo at sa bansa. Ipalalabas na nationwide sa Oct. 12 mula sa Viva Films at Star Cinema.
- Latest
