Gourmet magpapatikim na!

MANILA, Philippines - Matitikman na ang tamis ng pag-ibig sa afternoon Koreanovela ng GMA 7 na Gourmet ngayong linggo. Sa wakas, kikilos na si Patrick (Kim Rae Won) at magtatapat ng pag-ibig sa kanyang matagal nang kaibigan na si Jenna (Nam Sang Mi).

 Sa kanyang pagbabalik sa Woo Nam Jung Restaurant, matutuklasan ni Patrick na may malaking problema ang negosyo ng kanilang pamilya. Nagbago kasi ang lasa ng kimchi na inihahain sa restaurant at labis itong ikinababahala ng ama-amahan ni Patrick na si Chef Oh (Choi Bul Am).

 Magkakasakit ang matanda dahil sa sitwasyon ng restaurant at iisipin nitong makabubuti kung isasara muna ang sikat na traditional Korean restaurant. Susubukan namang tumulong ni Patrick na mahanap ang ugat ng problema pero papayag kaya dito ang adoptive brother niyang si Robert (Kwon Oh Jung) na labis na nasusuklam sa kanya?

Napapanood ang Gourmet Lunes hanggang Biyernes pagkatapos ng Kung Aagawin Mo Ang Langit sa Dramarama sa Hapon ng GMA 7. (SVA)