Ang aking mataos na pakikiramay kay Camille Prats sa maagang pagkamatay ng kanyang asawa dahil sa sakit na kanser.
Alam kong napaka-sakit na pangyayaring ito kay Camille na sa murang gulang ay nabiyuda na. Pero ganito naman ang kapalaran, hindi laging maganda ang hatid nito. Kaya dapat lagi tayong handa. Kailangang malampasan natin ang mga pagsubok na dumarating, sa pagiging strong lamang natin makakaya ang mga hindi magagandang darating. Hindi naman tayo bibigyan ng problema na hindi natin kaya. Basta huwag siyang bumigay. Nauna na ang lungkot, ligaya na ang kasunod nito. Ipaubaya na niya ang mister niya sa Panginoon. She has Nathan to take care of.
Again, my condolences Camille. Be strong. boyet hindi nagpapabaya sa hitsura
May kakaiba ba sa ginagawang pagpapapogi raw ni Christopher de Leon? Eh obligasyon naman ng lahat ng artista na magmukhang artista at all times. Kaya nga artista sila. Kaya nga hindi ako kumporme sa mga artista na nakikita kong hindi nakaayos, ‘yun bang akala mo ay bibili lang ng kendi sa tindahan. Eh kahit nga ganito lang ang gagawin nila, dahil lalabas sila ng bahay kailangan naman ay nakaayos sila.
Anuman ang gawin nila sa labas ng bahay nila, dapat mukha pa rin silang artista, dapat hindi sila mukhang ordinaryo.
Puring-puri ko nga si Boyet, dahil conscious ito palagi sa looks niya.