PIK : Dumarami na ang mga batang bida sa GMA 7. Halos lahat na mga drama series nila ay may batang bida, kaya panay ang pa-audition nila.
Pero si Jillian Ward pa rin ang pinakabida sa lahat kaya may bago na naman siyang pang-Telebabad na hango sa karakter niya sa The Last Prince na si Daldakina.
Hindi nga raw siya napapagod sa kadadaldal kaya bagay na bagay sa kanya ang role na iyun.
Okay lang naman daw kay Jillian na may iba pang batang bida na isama sa kanya dahil gusto nga raw niyang makatrabaho ang iba pang child stars na na-discover ng GMA 7.
PAK : Pikon na pikon si Princess Snell sa lumalabas na isyung nagdadalangtao ito ngayon at si Manny Pacquiao daw ang ama.
Willing siyang magpa-pregnancy test para mapatunayan lang na hindi totoo ang kumakalat na balita.
Matagal na ngang nali-link si Princess kay Pacman.
Regular na nagti-tape si Princess sa Startalk at magduda na raw kung isa sa mga araw na ito ay hindi na siya makikita sa showbiz-oriented talk show.
BOOM : Ayaw na sanang magkomento ni Iwa Moto sa napapabalitang buntis si Janna Dominguez kay Mickey Ablan na dating boyfriend ng Haponesang sexy young actress.
Nasa Japan pa si Iwa at mukhang matatagalan pa siya roon, kaya naloloka raw siya na hanggang doon ay ginugulo siya ng mga ganung isyu.
Ang sabi na lang ni Iwa; “Kung sinasabi mong buntis si Janna, malamang last na yun.
“Kasi kung buntis siya siguro panahon na respetuhin siya ni Mickey at hindi na makipag-communicate sa akin.”
Kuwento ni Iwa, patuloy pa raw siyang ginugulo ni Mickey na gustong makipagbalikan sa kanya. Kaya ipinost daw niya sa kanyang Facebook ang mga sinabi ni Mickey para tumigil na ito at tumigil na rin daw sana si Janna sa kapapa-interview tungkol sa kanya.
Hanggang ngayon ay hindi pa rin sinasagot ni Janna ang isyung buntis nga ba ito.
Ang latest lang na nabalitaan namin, nagpaalam na ito sa mga programang kinalalabasan niya sa GMA 7.