MANILA, Philippines - Ikawiwindang ng mga manonood ang pagpapakitang gilas ng talento at talino ng mga contestants sa comedy show na Beau-Con (Pagandahan ng mga Diyosa) na gaganapin ngayong Sabado ng gabi, Setyembre 10, sa Zirkoh Tomas Morato.
Sari-saring preparasyon ang ginawa ng mga kalahok na pinangungunahan nina Petite, Michelle O’Bombshell, Angel, Atak at Boobsie (ng Comedy Bar) upang magpasabog na siguradong ikatutuwa ng manonood.
Upang husgahan naman ang talent nila, nakatakda silang laitin ng komedyanteng si Shalala ng TV5 shows na Juicy at Talentadong Pinoy.
Nagpasabi naman si Allan K na gustong maging bahagi ng show kaya abangan ang sorpresang hatid ng Pambansang Ilong ng Pilipinas. Idagdag pa riyan ang kabaliwang dala nina Philip Lazaro at Kim Idol na hosts ng pageant.
Ihanda ring makilig sa presence ng mga guwapitong sina Alden Richards at Indie Prince/Cinemalaya best actor na si Edgar Allan Guzman.
At kung paseksihan ang hanap, nandiyan ang seksing grupo ng EB Babes idagdag pa ang may asim pa ring si Jean Garcia na hahataw sa pagsasayaw at paggiling.
Tunay na de kalidad na katatawanan sa Beau-Con (Pagandahan ng mga Diyosa) kaya naman para sa tickets, tumawag sa 7080-994; SM Cinemas - 470-2222; Zirkoh Morato- 37-67-287 or text sa 0918-407-41-72 at 0916-76-78-553.