Pinag-uusapan ang hindi sinasadya na pagkikita kahapon nina P-Noy at Valenzuela City Councilor Shalani Soledad sa airport ng Dumaguete City. Siyempre, umagaw ng atensyon ang kanilang pagtatagpo dahil ex-lovers ang dalawa.
Hindi ko pa nakakausap si Shalani kaya hindi ko pa alam ang kumpletong detalye ng accidental encounter nila ng kanyang ex-dyowa.
Kinilig ang mga saksi sa pagkikita nina P-Noy at Shalani as in nag-wish sila na magkaroon ng part 2 ang kanilang love affair.
September 2010 nang maghiwalay ang dalawa at September na naman. Hindi pa nagkakaroon ng karelasyon sina P-Noy at Shalani mula nang mag-say goodbye to each other sila.
Parang masyadong meaningful sa mga buhay nila ang month of September.
Annabelle Rama bagong million miler ng PAL
Over-whelmed na over-whelmed si Annabelle Rama dahil Million Miler na siya ng Philippine Airlines. Magka-level na sila ni Dra. Vicki Belo na nauna na maging Million Miler dahil sa madalas na pagsakay sa PAL sa tuwing magbibiyahe siya.
Maraming privileges ang mga member ng Million Miler Club dahil very special treatment ang ibinibigay sa kanila ng PAL staff.
Nagbunga ang pagiging loyal ni Bisaya sa PAL dahil lifetime member na siya ng Million Miler Club.
Mga anak ni Nadia nawalan na ng trabaho
May nagkuwento sa akin na nagsalita na si Annabelle Rama tungkol sa ugat ng away nila ni Nadia Montenegro. Sinabi raw ni Annabelle sa mga reporter na nag-interbyu sa kanya na pera ang dahilan ng falling-out nila ni Nadia.
At dahil hindi na sila bati, apektado ang career ng tatlong anak ni Nadia. Nawalan ng mga show sa TV5 ang kanyang dalawang anak na siguradong nalungkot dahil iba na ang kanilang mga lifestyle at nasanay na sila na umaarte sa harap ng mga TV camera.
Amaya hanggang December pa
Ikinatuwa ng cast ng Amaya ang balita na extended hanggang December ang airing ng kanilang show. Hanggang November lang talaga ang Amaya pero mataas ang rating nito kaya extended ang primetime show ni Marian Rivera.
May reason na matuwa ang cast at ang production staff ng Amaya dahil may siguradong suweldo na sila hanggang sa December na malaki ang gastos dahil sa pagpasok ng Pasko at ng Bagong Taon. Sure nang magiging white ang Christmas ng Amaya stars and staff.
Gelli iwe-welcome na ng TV5
May artista na nag-ober da bakod sa TV5. Ayaw sabihin ng aking source ang katauhan ng artista na pinili na maging Kapatid pero mapapanood ang interbyu sa kanya sa darating na Linggo.
May wild guess na si Gelli de Belen ang bagong Kapatid star dahil balitang-balita ang pagpirma niya ng kontrata sa Kapatid network kaya nawala siya sa cast ng Daldakina, ang coming soon early primetime show nina Jillian Ward at Ogie Alcasid.
Tuluyan nang nagkawatak-watak ang mga host ng SIS dahil naiwan sa GMA 7 si Carmina Villarroel, talent na ng ABS-CBN si Janice de Belen at Kapatid star na si Gelli.