CEBU, Philippines - Human sa pipila ka buwan nga pagpakahilom, gihinganlan na gyud ni Andi Eigenmann si Albie Casiño nga maoy amahan sa iyang gisabak.
Gihimo ni Andi ang maong rebelasyon pinaagi sa iyang blog entry nga nag-ulohan og "The Good That Won't Come Out Chapter: Deux" nga iyang gimantala niadtong Domingo.
"As soon as I have learned to embrace the fact that instead of having a child at the age of 29, it was blessed upon me as early as now, all those points that would usually bring me to endless tears, have remained to be dreams, STILL highly possible from coming true.,” tipik sa mensahe ni Andi.
Gisaysay usab ni Andi nga dili babag sa iyang mga pangandoy ang iyang pagsabak.
Bisan paman sa iyang paghingalan ni Albie apan giklaro sa aktres nga wala siya’y gitanom nga kalagot ngadto sa iyang kanhi boyfriend.
"Maybe instead of feeling bad that Albie left me to take on this responsibility by myself, I should thank him for giving me the opportunity go out and find genuine happiness once again. I'd obviously love for him to be around eventually. You know, to save myself the struggle to find a good way to explain his absence to his child. At the same time, I'd understand. Cus after all, I have no idea who or what kind of a person all the fame and fortune has turned him into now. All I hope is that he's wel,” dugang pa ni Andi.
Bisan pa man sa naagian niyang mga pagsuway, padayon gihapon nga gi-enjoy ni Andi ang iyang kinabuhi.
Pokwang kalima nag-ilis
Moabot ngadto sa lima ka higayon nga nag-ilis ilis og gown si Pokwang sa miaging Star Star Magic Ball niadtong Sabado sa gabii.
“20/20”
Upat na ka semana nga nag-number one sa Pinoy MYX Countdown ang awit sa bandang Pupil nga “20/20” ug giingong hugyaw ang special effects sa maong music video.
Bella sa Asian Supermodel
Sila si Bela Padilla, Fianca Cruz ug Kimberly Tan maoy pipila lang sa mga representante sa Pilipinas alang sa umaabot nga Asian Supermodel sa China
Ervic nagpakahilom
Giingong giimbitar si Ervic Vijandre nga mo-guest sa usa ka showbiz talk show apan mibalibad kini gumikan kay dili pa siya andam motingog kalabot sa taho nga duna sila’y relasyon ni Rich Asuncion.
Aiza gitsismis nga nagsabak
Giklaro sa kampo ni Aiza Seguerra nga busy lang ang singer sa iyang mga konsyerto sa Amerika ug dili tinoud ang balita nga matud pa nagsabak kini karong panahona.
Mommy D okay na
Okay na ang kondisyon ni Mommy Dionesia Pacquiao human sa pipila ka adlaw nga pagka-confine sa tambalanan gumikan sa ubo.
Nag-inusarang Enzo
Gisuwerte si Enzo Pineda gumikan kay siya lang ang Kapuso star nga nalakip sa 10 centerfold sa Cosmo Men nga gidumala sa Cosmopolitan magazine. (Sanden J. Anadia)