Nilinaw ni Rufa Mae Quinto na business partners at hindi sila lovers ni Boy2 Quizon na kasama niya nang magbakasyon siya sa ibang bansa. Matagal nang magkaibigan ang dalawa dahil magkasama sila sa Bubble Gang at sa pagkakaalam ko, may TV show sila na ipo-produce para sa GMA News TV.
Ang say ni Rufa Mae, nagpunta sila ni Boy2 sa ibang bansa dahil nakipag-meeting sila sa mga produ na interesado na bigyan sila ng project. Naka-schedule rin sila na pumunta sa ibang mga bansa at may kinalaman pa rin ito sa kanilang advertising business.
Coco mas kinampihan ng fans kesa kay Matteo
Ang away nina Coco Martin at Matteo Guidicelli dahil kay Maja Salvador ang hottest news ngayon sa showbiz. Humantong sa pisikal na sakitan ang pagseselos ni Matteo na unang sumugod kay Coco, ayon sa mga eyewitnesses.
Sikat ngayon si Coco kaya siya ang kinakampihan ng mga fans. Para sa fans, si Coco ang biktima at dehado. Ayokong i-judge si Matteo na minsan ko nang na-meet sa kanyang birthday presscon. Magalang, disente, at mabait na bata ang first impression ko kay Matteo.
Baka nga matinding selos kay Coco ang dahilan kaya nakalimot ang bagets na matagal nang natsitsismis na boyfriend ni Maja at kahapon lang inamin ng aktres.
Mga nanahimik na tuko nadamay sa galit ng mag-inang Jones
Katsipan talaga na nadamay ako sa isyu ng pagbebenta umano ng mga tuko ng nanay ni Angelica Jones at mas katsipan na pinatulan ko ang isyu. Nagpainterbyu ako kahapon sa Showbiz Central dahil sa balita na idedemanda raw ako ni Beth Jones, ang madir ni Angelica.
Klarung-klaro ang sinabi ni Beth na hindi totoo na magdedemanda siya. Tatawagan lang niya ako at pakikiusapan na ilabas ko ang kanilang panig. Eh tinanong ako ni John Lapus sa reaksiyon ko kaya sinabi ko ang aking opinyon. Makikita mo ang ugali ng isang tao o artista sa pagtrato nila sa kanilang mga PA o kasambahay.
Nakakalokang isipin na napunta sa tuko ang isyu eh hindi naman ito ang ugat ng pagrereklamo ng driver at PA ni Angelica. Gusto lang nila na masingil ang suweldo na kanilang pinaghirapan pero ayaw daw ibigay ng mag-inang Jones. Mag-inang Jones daw o!
Pinagbibintangan ni Angelica ang driver at personal assistant na ginagamit ng mga kalaban niya sa pulitiko. May tao raw sa likod ng kanyang mga dating tauhan na mabilis na itinanggi ng dalawa. Hindi naman panahon ng eleksiyon. Bakit sila gagamitin ng political enemy ni Angelica? Kung binayaran na lang ng mag-ina ang barya-baryang suweldo ng kanilang ex-driver at ex-PA, hindi na sana naungkat ang mga nananahimik na tuko!
Pagpayat ni Raymond pansin na pansin
Tungkol sa tuko ang mga tanong sa akin ni John Lapus pero hindi ko napigilan ang sarili ko na sabihin ang napansin ko kay Raymond Gutierrez. Pumapayat na si Raymond at halatang-halata ito sa TV.
Mukhang seryoso na si Raymond sa kanyang goal na magbawas ng timbang dahil kitang-kita ang magandang resulta. Curious ako, gusto kong malaman ang sikreto ni Raymond sa kanyang mabilis na pagpayat. May kinalaman kaya ang Sexy Solution diet na pinasasalamatan niya sa Showbiz Central?