Shamcey Supsup ni-nega ng ibang Pinoy!

PIK: Tahimik lang itong dating sexy actor na si Carlo Maceda pero namamayagpag pa rin pala ang pagpu-produce ng mga indie films pero hindi niya ito nadi-distribute sa mga sinehan.       

Kakaiba ang pamamaraan ng kanyang pag-distribute ng pelikula. Sa mga eskuwelahan niya ito dinadaan na kung saan nagkakaroon siya ng mga special screenings sa buong bansa.

Kaya pawang mga educational films ang kanyang ginagawa at isa na nga rito ang Sisa na pinagbidahan ni Jodi Sta. Maria.

Naikot na niya ito sa iba’t ibang paaralan at ang latest nga ay nakatakda niyang ipalabas sa AIMS o Asian Institute of Maritime Studies sa Pasay City.

PAK: Sa Sept. 12 na ang Miss Universe pageant na gaganapin sa Sao Paolo, Brazil.

Paboritong paksa na naman ito ngayon sa ilang social network sites na karamihan ay mga Pinoy na todo ang suporta sa kandidata nating si Shamcey Supsup.

Malakas ang kutob ng karamihan na pasok si Shamcey sa semi-finals dahil may botohan sa Internet na talagang kinakarir ng mga Pinoy ang suporta kay Shamcey.

Kaya lang hindi siya kasing lakas ng kay Venus Raj na kitang-kita itong early favorite siya agad.           

Ayon sa ilang sources namin, malakas ang kandidata ng USA at China.

May ilan pang matataray na nagkukomentong lamang lang ng ilang ligo si Shamcey kay Patani ng Survivor Philippines.

BOOM: Malaki na ang ipinayat ni Sunshine Dizon kaya pinag-iisipan na nitong bumalik sa showbiz.

Totoong inaalok din ito ng TV5 pero nilinaw ng aktres na sa GMA 7 pa rin siya kahit malapit ng matapos ang kontrata nito.

Regular na nakakausap nito ang ilang top executives ng GMA 7 at hinihintay na lang nito na puwede na siyang bumalik sa pag-arte.         

Pero gusto pa rin ni Sunshine na magbawas ng timbang at hirap pa rin siyang iwan ang anak nila ni Timothy Tan.           

Ang isa lang na inoohan ni Sunshine ay ang programang gagawin niya sa GMA News TV.

Medyo magaan lang ito para sa kanya dahil inaalala pa rin nito ang pag-aalaga sa kanyang anak.

Si Mommy Dorothy naman ay willing na magbantay sa kanyang apo kung sakaling bumalik na sa trabaho si Sunshine.