Go Fretzie!

CEBU, Philippines -  Tsika pa ni Fretzie Bercede dinhi sa Banat News Hugyaw nga bisan sa iyang ka-busy sa stage play nga Romeo and Juliet, aduna gihapon siya’y guestings sa nagkadaiyang programa sa ABS-CBN ug nagbaha usab ang iyang mga mall shows karong panahona.

AJ sa Eye Bank

Si anhing AJ Perez maoy bag-ong poster boy sa Eye Bank ug kini maoy gikumpirmar sa head sa maong eye center nga si Dr. Minguita Padilla.

Kapuso gihapon

Gihimakak sa Kapuso star nga si Mark Bautista ang report nga matud pa nga mobalik siya sa tugkaran sa ABS-CBN partikular na sa programang ASAP Rocks.

Janine mibalibad og proyekto?

Mitumaw ang mga hungihong nga matud pa mibalibad si Janine Guttierez nga mahimong co-host sa programa ni Kuya Germs sa GMA-7 nga Walang Tulogan.

Kever

Wala mabalaka si Arci Muñoz sa pagsulbong karon sa mga bag-ong artista sa mother network niya nga TV 5 ug confident ang aktres nga dili siya pasagdan sa maong network.

Rachelle Ann matinagdon

Gipasalig ni Rachelle Ann Go nga iya gihapon tagdon kung magsugat sila ni Bianca Manalo, ang babaye nga na-link karon sa iyang ex-boyfriend nga si John Prats.

Pokwang ug Gabby mag-uban

Malakip ang komedyanteng aktres nga si Pokwang sa umaabot nga pelikula ni Gabby Concepcion sa Regal Films. (BANAT)