Nag-ilog ni Dara Park

CEBU, Philippines - Nagkadaghan ang mga nangulitawo karon sa sakop sa Korean girl-group 2NE1 nga si Dara Park.

Kini naglakip sa sikat nga swimmer-model nga si Park Taewhan nga vocal kaayo sa iyang pagtan-aw kang Dara.

 "Dara Park is very pretty, she's funny, charismatic and kind and I like her." asoy sa swimmer-model sa dihang gi-interview siya sa usa ka host sa WINWIN TV.

Dugang pa niini, "Let's have dinner together Miss Dara."

Samtang nabutyag nga ang membro sa grupong Big Bang nga si Taeyang, perte gyud diayng panghangyo nga si Dara maoy iyang makauban sa usa ka music video ug maong natuman.

Malipayon kaayo si Taeyang nga iyang napares si Dara tungod kay dugay na diay siya nga nangandoy niini.

 Mahinumduman nga   unang nagpares ang duruha sa Lollipop music video. Nasayran usab nga si Taeyang ug Dara   managsama og agency.

 Samtang si Kevin ang membro sa all-male group nga UKISS parehas ni Taehwan, vocal pod sa iyang pagbati kang Dara.

 "Dara-noona hope to see you in person".

Ug ang 2PM member nga si Wooyoung kanunay pud matud pa magpadala og mga buwak ug chocolates ngadto kang Dara.

Ang actor-model nga si Jung Il-Woo, susama pud kang Wooyoung nga nagsigeg padala og mga buwak ngadto sa dalaga. Gawas pa nagkakuyog pa gyud silang duruha pagpanuroy sa mall.

Si Jung Il-Woo makita karon sa hit tv series nga Pure Love.

Mahinumduman nga nagka- trabaho si Dara Park ug Jung Il-Woo sa dihang may cameo role ang dalaga sa tv series The Return of Iljimae diin ang actor-model ang bida. Busy karon si Dara pag-promote sa ilang single nga UGLY diin nasulod na sa MYXTop10.