Nalulungkot naman ako kung totoo ang balitang pinaghahanap sa US ang mag-asawang Drs. Manny at Pie Calayan dahil wala yatang lisensiya ang itinayo nilang klinika roon? Mahirap paniwalaan dahil alam ko kung gaano kahigpit ang mga tao at regulasyon sa US. Bakit at paano sila nakalusot, baka naman may ibang kaso kaysa sa hindi pagkakaroon ng lisensiya?
Sana magkaroon ito ng linaw sa atin para hindi naman maapektuhan ng lubusan ang kanilang negosyo na matagal din nilang pinaghirapan.
Nagkimkim ng sama ng loob?
Ngayon ko rin lang nalaman na nagkimkim pala ng tampo si Cesar Montano sa ginawang paglilipat ng araw ng kanyang Andres de Saya para i-accommodate ang game show ni Manny Pacquiao na Manny Many Prizes. Ni hindi ba siya na-inform? Eh, magtatampo nga siya.
Is this the reason why Cesar is transferring to TV5? Eh, nakipag-usap din naman kaya si Cesar sa management to inform them of his decision to transfer?
Napaka-sweet…
Napaka-sweet naman ni Michelle van Eimereen at ng dalawa nilang anak ni Ogie Alcasid na sina Leila at Sarah dahil ipinamili nila ang isisilang ni Regine Velasquez na mga baby dresses.
Sina Ogie at Michelle ang maituturing ko na napaka-ideyal na naging mag-asawa at naging magkaibigan nang magkahiwalay. Hindi lang sila nag-move on, parang isang pamilya na rin sila ngayon.