CEBU, Philippines - Trending topic sa Twitter kagahapon si Zac Efron tungod sa giingong photo scandal niya nga mikatap sa internet.
Apan daghan ang nagduda nga fake ang maong hulagway, diin makita nga nagduwa sa iyang junior ang bida sa High School Musical.
Arjohn nagkasikat
Trending kagahapon ang Aeta nga si Arjohn Gilbert tungod sa hugyaw niya nga performance sa Gandang Gabi Vice sa ABS-CBN niadtong Domingo. Si Arjohn, ang bata nga taga Mabalacat, Pampanga gikagubtan karon sa YouTube tungod sa nindot niya nga performance sa “Baby” ni Justin Bieber, ug “Just The Way You Are” ni Bruno Mars. Duna pud siya’y video nga gikanta niya ang ‘Paano Na Kaya?” ni Bugoy Drilon.
Sikat ang EchoTin sa Africa
Labihan ka sikat sa soap nga “Pangako Sa’Yo” didto sa East Africa, gani subli kining ipasalida didto gumikan sa grabe nga public demand. Sila si Jericho Rosales ug Kristine Hermosa ang mga bida niini sa ABS-CBN kaniadto ug giulohan na kini didto og “The Promise.”
Tasya Pantasya si Anne
Himuon pag-usab ni Carlo J. Caparas ang iyang pelikula kaniadto nga “Tasya Pantasya” ug ang Viva Films maoy producer niini. Si Anne Curtis maoy magbida.
Mireklamo sa billing
Nag-away matud pa ang fans nila ni Jhake Vargas ug Barbie Forteza tungod sa billing nilang duha sa poster sa Tween Academy: Class of 2012 movie. Wala kauyon ang fans ni Barbie nga mas dako pa ang ngalan ni Jhake kaysa ilang idolo.
Marian crush ni Kim
Kung lalaki siya sa tinuod nga kinabuhi, panguyaban matud pa ni Kim Chiu sila si Angel Aquino, Iza Calzado, ug Marian Rivera tungod kay gwapahan gyud siya sa mga nahisgutan. Gipangutana siya niini tungod kay sa Binondo Girl nga iyang umaabot nga teleserye sa ABS-CBN, magpa aron ingnon siya nga lalaki aron madawat sa iyang papa nga insik.
Georgina Wilson insecure ni Paris?
Daghang nakasaway sa model nga si Georgina Wilson gumikan sa iyang tweet niadtong Domingo sa gabii nga nag-question sa gikatahong meeting nila ni Presidente Noynoy Aquino ug Paris Hilton.
Komento ni Georgina nag-usik lang og panahon si PNoy imbes nga atimanon niini ang importante nga mga butang para sa Pilipinas, makigtagbo na hinuon kang Paris nga dili matud pa importante.
Gumikan niini, dunay miingon nga insecure si Georgina ug duna puy mikomentaryo nga angay nga dili na lang maghilabot ang nahisgutang model sanglit layo ra kaayo siya kang Paris.
Ang ending nagkabuang og explain si Georgina nga duna matud pay mas importante nga gimbuhaton kay kang Paris nga maoy angay atimanon sa presidente. Dali siya nga nag-good night human niya og pasabot.
Ang tsika mao nga mag-courtesy call si Paris kang PNoy kauban si Rep. Manny Pacquiao. Miabot ang hotel heiress sa Pilipinas niadtong Domingo sa gabii ug mu-istar dinhi sulod sa lima ka adlaw, aron magbakasyon ug ilusad ang “Paris Hilton Beach Club” sa Manila.
Nawad-an matud pa kini og duha ka cellphones sa eroplano sa iya nang pagpadung dinhi sa nasud ug maoy gihimuan og pakisusi karon sa airport authorities.