CEBU, Philippines - Muabot matud pa sa Pilipinas ang hotel heiress nga si Paris Hilton karong August 13. Kini maoy gipahibawo niya ngadto sa iyang Twitter follower nga si Isha Dinio pinaagi sa pag-ingon, “Would love to meet up while I‘m there. Love you. xo P”
Bakasyon Grande Ang Kylie
Last taping na kagahapon sa afternoon soap sa GMA-7 Blusang Itim. Plano sa bida sa serye nga si Kylie Padilla nga mubakasyon sa Banaue Rice Terraces, Sagada, ug Baguio aron makapahuway sa dili pa ang iyang follow-up project.
Nahinayon ang date?
Gipaabot nga nadayon na gyud kagahapon ang cruise dinner date nila ni Sam Pinto ug Tween star Alden Richards. Sunod-sunod ang uwan didto sa Manila niining milabay nga mga adlaw hinungdan nga perming wala mahinayon. Ang duruha magkauban sa pelikula Tween Hearts Academy of 2012.
Angel Mas Maldita Pa
Kontrabida na pud si Angel Aquino sa Maria La del Barrio sa ABS-CBN starring Enchong Dee ug Erich Gonzales. Subling gipadayag ni Angel nga nahugyaw gyud siya sa positibo nga reaksyon sa publiko sa iyang pagka maldita kaniadto sa fashion-serye Magkaribal. Pwes sa Mexican adaptation nga Maria La del Barrio, ibubo gyud matud pa niya ang tanan aron dili madismaya niya ang iyang mga supporters.
Mas Nindot Nga Friends Lang
Kung si Angel Aquino maoy pabut-on, mas ganahan siya nga dili magkauyab sila si Enchong Dee ug Erich Gonzales karon nga duna silay proyekto “Maria La del Barrio.” Matud sa banggiitang aktres, kun magkauyab ang duruha, maapektuhan ang trabaho kun mag-away sila. Mas maayo karon nga friends ra ang mga bida kay alegre ug hapsay sila sa set.
Unsang dramaha?
Kalit nga nanamilit si Pinky Webb sa mga tigpaminaw nila ni Ted Failon sa programang “Failon at Webb” sa dzMM kagahapon human sa usa ka tuig ug tunga nilang panagpares sa kahanginan. Giklaro ni Pinky nga mubakasyon una siya, ug sa iyang pagbalik dili una siya mag-radyo ug mausab na pud ang iyang schedule ug shows sa telebisyon.
Flop ang Pureza!
Mihipos lang og P14.4 million ang comedy movie nga “The Adventures of Pureza: Queen of the Riles” sulod sa duha ka semana nga pagsalida, suma pa sa third party tabulator Box Office Mojo.
Angelu Mabdos
Tulo ka buwan nga mabdos si Angelu de Leon para sa iyang ikatulo nga anak. Tungod niini, gikinahanglan niya nga biyaan ang teleserye nga ‘Sisid” starring Jackie Rice sa GMA-7 aron hatagan og igong pagtagad ang iyang sitwasyon.
Regal Baby Na
Five-year contract ang gipirmahan ni Allan Guzman sa Regal Films diin muhimo siya og 10 ka mga pelikula. Kung papilion siya, buot siya nga horror movie ang iyang project ug si Eugene Dominggo iyang pares.
Kathryn Gimingaw Ni Albie
Gimingaw og maayo si Kathryn Bernardo sa iyang pares kaniadto sa Mara Clara nga si Albie Casiño. Hinungdan nga dihang nagkita silag balik sa Star Magic Sports fest niadtong Dominggo, perte nilang lipaya ni Julia Montes. Mura na matud pa og kuya niya si Albie.
Na-Pressure Ang Julia!
Gibatig pressure si Julia Montes sa panlantaw sa kadaghanan nga nagpalibot niya nga siya na matud pa ang musunod sa mga lakang ni Claudine Barreto kun abilidad sa acting ang hisgutan ug gibug-aton sa kasikat niini kaniadto.
Kapatid Edu
Kapatid na gyud matud pa si Edu Manzano. Siya maoy mu-host sa usa ka game show nga maoy itigi sa noontime shows sa ABS-CBN ug GMA-7. Nakapirma na matud pa og kontrata.