Heart binantaang bubuhusan ng asido

PIK: Ilang buwan na lang matatapos na ang sentensiya kay Ronald Singson sa Hong Kong at mapapag-usapan na naman ang pag-uwi nito.

Mauungkat na naman ang tungkol sa kanila ni Lovi Poe na pinapaniwalaang hindi naman sila nag-break.

Pero consistent ngayon si Lovi sa pagsagot na loveless siya at nakikipag-date na nga ito pero grupo naman with friends.

Pagdating kay Ronald, tipid ang mga sagot ni Lovi at hindi malinaw ang sagot kung susunduin ba niya ito kung sakaling makalabas na ng kulungan ang dating kasintahan.

“I don’t know kung ano ang mangyayari, I have no idea. I don’t know what will happen. Bahala na,” sagot nito.

Sa ngayon ay mas mabuting mag-focus na muna siya sa trabaho, saka na ang love life.

“Na-realize ko kasi maraming magagandang bagay na dumating sa akin. Kaya wala sa isip ko pa yun. Trabaho ko muna. Sarili ko muna isipin ko.

“I’ve been selfless for the longest time. Now, it’s time for me to think of myself,” saad ni Lovi.

PAK: May nangha-harass kay Heart Evangelista sa Twitter na bubuhusan siya ng asido.

Nagti-tweet pa itong namatay na ang aktres. Kaya binulabog si Heart ng mga tawag mula sa mga kaibigan at kamag-anak.

Ewan ko kung ano ang pakay nito pero inamin pa niyang kagagawan nga niya ang mga ganung pangha-harass.

Tweet ni Heart: “Really not cool :( internet shouldn’t be used to threaten and harass people. thank you to my good friends and heartworld for the love :)”

BOOM: Mukhang totoo na talaga itong pagdating ni Nora Aunor kaya hintayin na lang natin kung ano ang magiging resulta ng mga programang gagawin nito sa TV5.

Kasama si Eugene Domingo sa gagawing mini-series ng Superstar at sobrang excited ito dahil isa pala siyang Noranian lalo na ang kanyang ina.

 “Ngayon na magaganap na puwede kaming magsama together. Bukod sa excited ako alam ko matutuwa ang nanay ko, at hindi siya makapaniwala,” pahayag ni Uge.

Hindi pa niya ito sinasabi sa kanyang ina at baka maudlot pa. Kapag magsisimula na silang mag-taping ay doon na niya ibabalita sa kanyang ina na isang lehitimong Noranian.