Ngayong araw ang sinasabing dating ni Nora Aunor at tiyak na maraming Noranians ang mag-aabang sa Superstar sa airport. Kaya lang, bakit ibang petsa ang alam naming arrival ni Guy?
Nalilito rin kami kung sino kina Laguna Gov. ER Ejercito at TV5 ang talagang nagpa-uwi kay Guy. O baka naman pareho nitong tinanggap ang offer sa kanya. Movie kay ER at TV project sa TV5. Ay, maraming aabangan ang Noranians!
Kris buong araw umiyak sa wedding anniversary kay James
Na-tweet ni Kris Aquino na buong araw siyang umiyak noong July 10 dahil wedding anniversary nila ito dapat ni James Yap at kundi sila naghiwalay, six years na sana silang married.
Nabanggit din nitong tuloy ang maayos nilang communication ng ex at hinihingi niya ang permiso nito sa bawat endorsement na gagawin ni Baby James.
Part ng tweet ni Kris: “That’s why James and I try to live in peace because we love Bimby so much, more than we care about our pride or ego.”
Sa Sunday, magsu-shoot ng bagong version ng TVC ang mag-ina ng isang product na kanilang ini-endorse.
Marian dinidedma ng men’s mag
Habang may presscon si Heart Evangelista, nagsu-shooting naman ng Panday 2 si Marian Rivera at bukas lilipat naman yata ang aktres sa taping ng Amaya na pahirap nang pahirap ang kanyang mga eksena.
May eksenang paulit-ulit siyang nilublob sa tubig kasama ang ibang cast na tumagal ng ilang oras bilang parusa ni Rajah Mangubat. Walang reklamo ang aktres at mga co-stars para lang magawa ng tama ang eksena. Madidiin pa sa mas mabigat na kasalanan si Amaya na tiyak ipagre-react ng mga viewers.
Incidentally, naalala n’yo ang nasulat naming hindi inimbita ng FHM si Marian sa victory party kahit No. 2 ito at tanging ang aktres lang ang walang tarpaulin sa winners? Ang tsika sa amin, three years nang hindi ini-invite si Marian sa victory party kahit lagi itong nasa Top 10. Ang nasisilip lang na rason ay dahil up to now, hindi pa rin pumapayag si Marian na mag-cover sa men’s magazine.
Mga kasali sa SP4 nagli-leak na
Wala talagang maitago sa showbiz dahil kahit anong sikreto, nagli-leak din. Sa September pa ang Season 4 ng Survivor Philippines pero nalaman agad na celebity edition ito.
Isa-isa na ring naglabasan ang mga sasali kabilang ang isang guwapong aktor na sa sobrang excitement, naikuwento sa press na sasali siya. Ang latest na nabalitaan namin, hindi matutuloy ang guwapong aktor dahil may ibang gagawin pala.
Kasali rin daw ang isang mahusay na TV director pero naghahanap ng bagong partner dahil umayaw ang original partner niya. Naku, sino ang magdidirek ng shows ni direk ’pag wala siya?
Dalawa pa sa kasali ay ang aktor na galing sa showbiz family at kapareha nito ang kanyang real life partner. Akala namin may exclusive contract ang dalawa sa ibang network dahil may soap silang ginawa. Hintayin natin ang susunod na leak sa mga sasali sa Survivor Philippines at tiyak na may lalabas pa.
Korean Actor-Singer bibisitahin ang fans sa ’PINAS
Darating sa bansa ang Korean singer-actor na si Kim Hyun Joong, bidang aktor sa Korean rom-com series na Playful Kiss na katatapos lang umere sa GMA 7. Darating ang binata sa Aug. 25, to promote his Breakdown album released dito under PolyEast Records. Hindi ito ang first time na pagpunta ng Korean star sa bansa.
Sayang at nagtapos na ang Playful Kiss pero request ng fans nito sa GMA 7 ay ipalabas ang seven-episode special ng Playful Kiss na sa YouTube lang mapapanood. Mas kilig ang mga eksena’t ipinakita ang married life nila ng kaparehang si Jung So Min. Paging GMA 7.