CEBU, Philippines - May mikatap karon nga hulagway nga matud pa iya ni Bruno Mars sa internet nga nagsul-ob og Bench underwear, diin duna puy gipakita nga piano, kalo ug sunglasses sa background. Suma pa teaser ra ang maong hulagway. Pero didto sa EDSA may billboard na gyud ang Bench nga gipakita na ang nawong ni Bruno.Pwes, ang Grammy award winner na matud pa maoy alkontra sa nahisgutang Filipino global brand kang Gossip Girl star Ed Westwick nga endorser sa Penshoppe.
Big Bro ni Charice
“International big brother” ang paghulagway ni Charice kang American Idol winner Ruben Studdard nga iyang nakauban didto sa 6th Annual Napa Valley Festival del Sole didto sa San Francisco diin sa makausa pa nahugyaw sa Filipino pride ang audience sa iyang I Will Survive”, “To Love You More” and Bodyguard Medley (I Have Nothing/ I Will Always Love You).
Hugyaw ang regalo
Digital media player kantidad og P50,000 ang birthday gift ni Eugene Dominggo kang John Lapus ug na-deliver na niadtong Dominggo sa balay sa TV host/ comedian.
Angel mitug-an ni Ali
Walo na ka tuig nga mipanaw si Miko Sotto pero hangtud karon suod gihapon ang iyang kanhi uyab nga si Angel Locsin sa inahan sa nahisgutan nga si Ali Sotto. Giklaro matud pa ni Angel ngadto kang Ali nga “getting to know you” level pa lang gyud sila ni Phil Younghusband.
Glaiza pinangga ang Cinemalaya
Bisag unsa pay mahitabo dili matud pa talikdan ni Glaiza de Castro ang paghimo og indie films labi na ang para sa Cinemalaya gumikan kay mao ni iyang pahungawanan sa iyang emosyon ug dako kaayo og natabang ang mga pelikula nga iya nang nahimo aron mulambo pa ang abilidad niya sa pag-arte.
Dolphy kontento na kaayo
Kontento na kaayo si Comedy King Dolphy sa iyang kalampusan sa kinabuhi ug sa iyang career, Niya pa, “Naka quota na, dapat kalusin na!”
Casting call diay
Giklaro ni Daiana Menezes nga dili laag-laag ang iyang giadto sa Hongkong sa milabay nga semana kauban ang iyang uyab nga si direk GB Sampedro. Matud niya may final casting call siya sa Hongkong alang sa usa ka modeling assignment ug gikuyugan lang matud pa siya sa iyang uyab. Sa Hongkong nagsugod ang modeling career ni Daiana kaniadto.
Direktor dismayado sa kampo ni Vice
Dismayado si direk GB Sampedro sa manager ni Vice Ganda nga si Ogie Diaz gumikan kay gitawag pa siya niini sa iyang column og “direktor tsismoso.”
Nagtuo matud pa si Sampedro nga okay na sila ni Vice Ganda pero nakugang siya sa gisuwat sa manager niini. Ang tsika, nag-walkout matud pa si Sampedro sa rehearsal sa concert ni Vice sa Araneta tungod kay may sakit nga pulong nga giluwatan ang komedyante ngadto niya.
Kaanyag ni Muriel i-sketch
Si Miss Philippines-Water 2011 ug Olive-C Campus Model Female Grand Winner Muriel Orais maoy makighugyaw sa mga visual-artists sa Cebu alang sa usa ka sketching session karong July 22, 2011, 1PM-4PM diha sa Diwata Galeri sa Kukuk’s Nest, Talamban Cebu.