SEEN : Sina Nadia Montenegro at Roderick Paulate ang binansagan sa showbiz na “Bestfriend ng Bayan” dahil kaibigan nila ang halos lahat ng mga artista.
Para sa TV5, ang buwaya na si Bangis ang “Bagong Bestfriend ng Bayan”.
SCENE : Maganda ang trailer ng Tween Academy: Class of 2012. Malaki ang potensyal na kumita sa takilya ang movie launching ng tween stars kung magiging maayos ang promo ng pelikula.
SEEN : Nakita si Sharmaine Arnaiz at ang kanyang dalawang anak na lalaki sa Trinoma noong Sabado.
Pumapayat na si Sharmaine dahil sa regular visit niya sa Flawless.
SCENE : Ang surprise guesting kagabi ni Regine Velasquez sa Magandang Gabi Vice ng ABS-CBN ang pinag-uusapan.
News ang guesting ni Regine sa Kapamilya Network dahil Kapuso star siya.
SEEN : Panahon ngayon ng mga child stars dahil sila ang mga namamayagpag sa telebisyon. Pinapanood ang mga TV series na pinagbibidahan ng mga batang artista.
SEEN : In a relationship na ang status ni Enzo Pineda sa kanyang Facebook account ngunit hindi pa nila inaamin ni Louise delos Reyes ang kanilang relasyon.
SCENE : Naka-confine sa Cedars Sinai Hospital sa Los Angeles, California, USA ang dating aktres na si Shirley Gorospe at malubha ang kalagayan nito.
SEEN : Copycat ni Regine Velasquez sina Angeline Quinto at Marcelito Pomoy ng Pilipinas Got Talent 2. Pero limitado ang singing talent ni Marcelito.