Ellen ganahan magpa boobs!

CEBU, Philippines - Kung hatagan og kahigayonan nga dunay ipausab sa iyang lawas,ang iyang boobs matud pa maoy iparetoke sa Sugbuanong sexy star nga si Ellen Adarna. Si Ellen kinsa nasulod sa Top 10 sa FHM Sexiest karong tuiga miingon nga ganahan gyud matud pa siya magpa boobs, pero wala ni magpasabot nga magpa-sexy na gyud siya og maayo sa iyang mga projects.

La Guardia wa mataypi sa gwardya

Kumpirmado nga wala pasudla sa mga guwardiya si kanhi MTRCB chair Consoliza La Guardia sa premiere showing sa Temptation Island niadtong Domingo tungod kay late siya. Bisa’g giingnan pa niya nga si Mother Lily Monteverde ang nagdapit niya, wala gyud misugot ang guard.

Pantaserye alang kang Janine

Gikatahong fantaserye maoy unang big project ni Janine Gutierrez sa GMA-7 apan possible kini nga mausab sanglit nagdepende kini sa ipakita niya abilidad sa gitambongan niya nga workshop.

Rayver nausab na

Nahunong na ang pagka-seloso ni Rayver Cruz ilabi na nga kanunay na sila nga magkita sa iyang uyab nga si Cristine Reyes gumikan sa serye nila nga Reputasyon sa ABS-CBN.

Marian nauwaw

Tsika pa ni Marian Rivera nga grabe ka kikay ang iyang karakter sa Temptation Island busa wala siya nahimutang sa dihang nahibaw-an niya nga interesado molantaw ang pamilya sa iyang boyfriend nga si Dingdong Dantes.

Jason nakapalit na og yuta

Suma pa ni Jason Francisco nga nakapalit na siya og kaugalingong yuta nga maoy tukuran sa ipahimo niya nga balay alang sa iyang pamilya. (Sanden J. Anadia)

Vanessa gihandum gihapon ni Zac!

Wa pa ka move on si Zac Efron sa ilang panagbuwag sa kanhi niya leading lady sa High School Musical nga si Vanessa Hudgens.

Kini maoy rebelasyon sa usa ka suod nga higala ni Zac kinsa miingon nga malipayon matud pa tan-awon ang actor pero ang tinuod, nagdugo ang iyang kasingkasing ug nagpanikad nga mahibalik sa iyang kiliran si Vanessa.

Labaw na matud pa nga nagsakit ang iyang buot nga makita si Vanessa kauban ang uyab niini nga si Josh Hutcherson.

Gani gituyo matud pa ni Zac nga makig-date sa beach sa ilang co-star pud sa musical nga si Ashley Tisdale, kinsa amiga pud ni Vanessa, aron matud pa magpatagad sa nauwahi. Ang tinuod suod ug daw managsuon ra ang pagbati ni Ashley ug Zac sa usa’g-usa.

Si Vanessa ug Zac nagbuwag Disyembre sa milabay nga tuig human sa upat ka tuig nga relasyon. (BANAT NEWS)

Complete…