CEBU, Philippines - Giklaro sa Azkal nga si Neil Etheridge nga managhigala lang sila ni Michelle Madrigal. “I’m single,” niya pa, dugang sa pag-ingon nga football gyud ang iyang priority karon.
Angel mutan-aw ni Phil
Gipasalig ni Phil Younghusband ngadto sa iyang fans nga dili makaapekto ang iyang injury sa subli panagtigi sa Azkals ug Sri Lanka karong adlawa dinhi sa Pilipinas. Ihalad matud pa niya ang iyang game ngadto sa iyang mommy, sister ug ni Angel Locsin. Mutan-aw matud pa si Angel niya karon nga muduwa.
Kanta sa kasal
Buot ni Kyla nga magmugna og kanta para sa kasal nila ni Rich Alvarez karong Disyembre pero wala pa matud pay musulod nga ideya unsay iyang himuon nga muhaom nilang duha. Wala pa puy petsa ilang kasal, basta kay sa dili pa ang Pasko karong tuiga.
Claudine dili ganahan og “guest role”
Giklaro ni Claudine Barreto nga gibalibaran niya ang role unta sa ‘Magic Palayok” nga gitanyag ngadto niya tungod kay guest role ug dili siya ganahan nga sunod-sunod ang ingon ana nga projects, sanglit guest role ra pud siya sa Jillian: Namamasko Po. Si Mikee Cojuangco maoy gihulip kang Claudine.
Romantic or friendly dinner?
Nasigpatan niining bag-o lang nga nag-dinner didto sa usa ka Japanese restaurant didto sa Singapore ang kanhi magka relasyon nga sila si Christian Bautista ug Rachelle Ann Go.
Heart abusado?
Salabtonon ang pamahayag ni Dingdong Dantes nga nagkanayon: Dun ako sa tama, dun ako sa totoo. Di ako sang-ayon sa abusado.” Kini dihang gipangayuan og reaksyon sa isyu nila ni Heart Evangelista ug sa iyang uyab nga si Marian Rivera.
Naglumba ang duha ka network
Gibutyag ni Tirso Cruz III nga maayo ang iyang relasyon sa GMA-7 bisan og mipirma na siya og kontrata sa ABS-CBN duha ka semana ang milabay. Suma pa niya dugay ra nga nagtinguha ang ABS-CBN aron iapil siya sa mga projects niini, pero abtik dayon ang GMA-7 nga muhatag og follow-up projects niya kaniadto. Karon nakauna na gyud ang ABS-CBN.
“Bangis” sa TV5
Mulugwa na ugma sa TV5 human sa Wil Time Bigtime ang giisip nga higante-serye, Bangis, usa ka nilalang nga susama og tawo ang pagbati ug lihok. Lisud tuohan nga mahimo siyang suod nga higala sa usa ka bata.Apan ugma puhon sa gabii mahimamat ug mayagyag na ang mga tinaguan ni Bangis kauban sa iyang suod nga higala nga si Eboy ( BJ Go). Apil pud niining maong istorya nga gipahaom sa komiks ni Carlo J. Caparas ‘Matatalim na Pangil sa Gubat,’ sila si Oyo Sotto, Danita Paner, Felix Roco, Wendy Valdez ug Rodjun Cruz. Naa pud sila si Yul Servo, Miriam Quiambao, Katherine Luna, Bayani Agbayani, Marissa Sanchez, CJ Caparas, Jazz Ocampo, Mavi Lozano, Mr. Danny Javier ug Ms. Tessie Tomas. Samtang gawas kang BJ, ipaila pud ang laing duha pa ka child stars nga sila si Gerald Pesigan ug Junyka Santarin.
Hayop sa GMA-7!
Kalingawan nga gipahaom sa kaugalingong pinulungan matag buntag ang musugat sa mga Kapuso sa Cebu Iloilo, Bacolod, Davao, Cagayan De Oro, General Santos, Naga, ug Dagupan sugod ugma pinaagi sa HA! HA! HAYOP! The Planet’s Funniest Animals. Makita kini pinaagi sa GMA-7 sugod ugma, July 4 gikan sa 9:10 am to 9:30 am!
Vice todo successful sa Araneta!
Malampuson ang ikaduhang major concert ni Vice Ganda nga giulohan og “Todong Sample sa Araneta” niadtong Biyernes sa gabii. Gibuksan kini niya pinaagi sa paglugwa nga nagkumbitay ug daw naglupad samtang nagkanta.
Gisundan kini niya og kanta og “Hanggang” samtang nag-piano ang gwapo nga si Xian Lim. Human niini, nagpa-cute si Vice ngadto kang Xian hinungdan nga nahugyaw ang audience.
Human sa iyang kanta, gipasaka niya sa stage sila si Kean Cipriano ug Jon Avila, hinungdan nga misinggit ang audience og “Kiss, Kiss!”
Unya nagtigi sila si Vice ug Cristine Reyes pinaagi sa pagsayaw. Nag-belly dancing si Cristine samtang si Vice mipakita sa iyang gitawag og “Kama Sutra” dance.
Unya misunod og lugwa si Derek Ramsay nga naghukas. Labihan ang kalipay ni Vice tungod kay wala siya magdahom nga mutunga diay si Derek. Misinggit ang audience og nose to nose, nga gihimo pud sa duruha on stage.
Ug sa dihang kalit nga milugwa si Coco Martin samtang miawit og “Paano Na Kaya.” Labihan nga nakasinggit ang mga tawo, tataw nga naghugyaw sa award-winning actor.
Samtang gipakpakan pud ang slow version ni Vice sa ‘Lakas Tama” samtang nag-gown nga gidayandayanan og feathers. Kauban niya nga miawit ang Mandaluyong Children’s Choir. Guest pud sa maong concert si Toni Gonzaga.
Human sa concert gi-congratulate si Vice nila ni Zsa Zsa Padilla ug Kris Aquino sa backstage tungod sa malampuson niya nga concert ug gisukna kun mahinayon ba sila pagbisita og adoration chapel aron magpasalamat sa maong kalampusan.
Lakip sa mga celebrities nga misaksi sila si Jinkee Pacquiao, Maja Salvador, Vhong Navarro, Nikki Gil, Melissa Ricks, Empress, Bianca Gonzales, Dimples Romana, Tintin Bersola, ug Gladys Reyes.