CEBU, Philippines - Sumsuman karon sa mga tsismosa ang taho nga gitinuod matud pa og sagpa ni Cherrie Gil si Jean Garcia sa usa ka eksena sa umaabot nila nga danceserye sa GMA-7, kauban usab sila si Mark Herras, Kris Bernal ug daghan pa.
Ang tsika pa nga ang duruha ka primera kontrabida nag-kauban sa usa lang ka dressing room sa set. Unang miabot si Cherrie Gil ug mideretso kini pagsulod bitbit ang iyang script aron mag-internalize ug mag-memorize sa iyang mga linya.
Taod-taod miabot si Jean nga may kuyog nga mga yaya ug perting sabaa matud pa.
Milinya matud pa si Cherrie Gil og, "Quiet" pero wala manumbaling si Jean. Hasta kalima matud pa mibadlong si Cherrie kang Jean apan saba lang gyud gihapon ang nahisgutan.
Pwes pag-take na, wala musunod si Cherrie sa unsay nakabutang sa script. Suma pa nga sa eksena unta nilang duha, igo lamang kwilyohan ni Cherrie si Jean ug yawyawan sa iyang mga kalagot.
Pero inay kwilyohan lang, gipakapinan matud pa ni og sagpa ni Cherrie nga nakapakugang man tuod kang Jean, wala mupalag ug nagpadayon ang taping.
Paghuman sa eksena mibiya matud pa dayon si Cherrie sa location nga wala mag-sorry kang Jean kinsa mireklamo ngadto sa production kabahin sa nahitabo.
Mukiha matud pa si Jean tungod sa iyang nahiaguman.
Nag-awas ang grasya ni Kris
Sa Hulyo na sugdan ang shooting nila ni Dingdong Dantes ug Kris Aquino sa pelikulang "Segunda Mano," ubos sa Star Cinema sa direksyon ni Joyce Bernal.
Suma pa ni Kris nga personal nga nananghid si Dingdong sa CEO sa GMA Network nga si Atty. Felipe Gozon kabahin sa maong pelikula, diin misugot matud pa ang nahisgutan sa kondisyon nga muhimo pud og movie ang Queen of all Media para sa GMA Films sunod tuig.
Matud ni Kris, walay problema tungod kay sunod tuig wala na siyay mga tulubagon sa Star Cinema.
Samtang kinahanglan nga mag-swimming lessons ni Kris para sa pelikula, hinungdan nga sa musunod nga unom ka semana paningkamotan ni Coach DJ nga makat-on gyud si Kris og langoy.
Si DJ mao puy swimming coach sa anak ni Kris nga si Joshua.
Samtang tsika ni Kris ngadto sa PEP kabahin sa iyang umaabot nga pelikula diin co-producer si Dingdong: "Tungkol ito sa everything second hand na damit, second hand na asawa... Kasi si Dong dito, may asawa siya dati. Ako naman, manang-manang na parating naka-beige o kaya naka-floral. Iniwan siya ng asawa niya, ipinagpalit sa ibang lalaki, kaya siya naghanap ng simple lang and ako 'yon... Tapos, doon na may twist."
Matud niya 70% suspense ug 30% matud pa ang 'Segunda Mano."
PNoy
Samtang kagahapon sa set sa iyang bag-ong talk show Kris TV sa ABS-CBN nakuhaan og reaksyon si Kris kabahin sa paghagba sa approval rating sa iyang maguwang nga si Presidente Noy.
Kahinumduman nga gikan sa 74 %, karon 71% na lang ang approval rating sa presidente.
Apan matud ni Kris, "If seven out of 10 Filipinos are still happy with his performance, bongga pa rin 'yon."
Dungan niini nanawagan si Kris sa mga Pinoy nga imbes dauton o sawayon ang kagamhanan, magtinabangay na lang alang sa kalambuan sa nasud.
Gisanglitanan niya ang gibuhat sa mga nasud sa Malaysia ug Thailand nga labihan matud pa nga maka-promote ang mga nanimuyo niini, bisan pa og kun buot hunahunaon mas nindot pa ang Pilipinas.
"Kaya lang ang galing nilang mag-market ng sarili nila kaya akala mo, ang ganda-ganda doon, when in fact ang ganda-ganda ng bansa natin. I was just in Palawan and it's beautiful. Green na green ang tubig, ang linis. Papantay sa mga Maldives-Maldives na 'yan!"
Laag ug trabaho
Gitakda nga mulupad paingon sa Bangkok si Kris sunod semana alang sa usa ka commercial shoot.
Samtang duna pud siyay gitakda nga bag-o pung commercial nga makauban niya ang iyang anak nga si James Jr., o Baby James sunod semana.
"Then the week after that, magho-Hong Kong Disneyland naman kami kasi promise ko sa kanila 'yon," tsika pa ni Kris. "And I told Bimby, 'Treat mo din Kuya Josh tutal may bago kang commercial.' Actually, gusto ni Josh, sa Tokyo Disneyland. Sabi ko, next time na lang kasi baka may radiation pa. 'Yon na lang kasi ang Disney na di pa nila napupuntahan. E, feeling ko naman, tinuruan lang siya [Josh] ni Yaya A [yaya ni Josh]. Hahaha!"
Website
Samtang karong adlawa pormal na nga ilusad ang krisaquino.tv, official website sa iyang talk show nga may live streaming coverage sa mga lugar nga bisitahon sa Kris TV.
"Amaya" sa Mandaue karon
Karong adlawa ang Amaya Roadshow sa Cebu, diin usa ka Kapuso Campus Tour ang ipahigayon diha sa Mandaue Comprehensive National High School, Mandaue City karong alas tres sa hapon.
Jake Cuenca maluibon?
Nakapangutana ang mga himantayon kinsay gipadungogdungog ni Melissa Ricks sa iyang tweet kagahapon sa hapon gamit ang linya sa kanta ni Rihanna nga nagkanayon: "And the award for the best liar goes to you, for making me believe that you could be faithful to me." Kahinumduman nga bag-o lang nagbuwag sila si Melissa ug Jake Cuenca sa walay klaro nga rason.
Danita nalipay sa pag-abot ni Nadine
Gihangop ni Danita Paner ang pag-abot ni Nadine Samonte sa TV5. Suma pa niya mas maayo kini nga panghitabo aron mas dako ang kahigayonan nga makatrabaho niya ang daghang mga artista, busa wala siya mahulga niini.
Gipangandaman gyud ni Mariel
Midalikyat gyud sa salon si Mariel Rodriguez kagahapon sa hapon isip pangandam sa iyang temporaryo nga paghulip kang Boy Abunda kagabii sa SNN: Showbiz News Ngayon. Si Abunda nga manager nila ni Mariel ug Bianca Gonzales tua sa Dubai.
Sid pangandoy ni Bianca
Nangandoy si Bianca King nga makatrabaho si Sid Lucero human sa iyang Sinner or Saint sa GMA-7 tungod sa ka maayo matud pa sa aktor muarte, ilabi na pagbatbat sa iyang mga linya sa matag eksena.
Rich giselosan ni Kylie
Giingong giselosan ni Kylie Padilla ang kanhi uyab ni Aljur Abrenica nga si Rich Asuncion kung diin nakasakop kini nga mopadala gihapon og text message si Aljur ngadto kang Rich.
Mutya sa "Wansapantaym"
Ang batang aktres nga si Mutya maoy bida sa "Wansapantaym" ugma sa gabii alang sa episode nga "Joy's Toys" ug iyang makauban sila si Nash Aguas, Makisig Morales, Gloria Sevilla, ug Khaycee Aboloc
"DreamDate"
Sugdan na karong Hulyo 15 sa Studio 23 ang pinakauna nga pinoy dating game show sa Pilipinas, ang "DreamDate" ug ang Myx VJ Bianca Roque ug Magandang Umaga host Andrei Felix maoy mga host niini.
CJ mibirada na sa showbiz
Anak sa magtiayong Carlo Caparas ug Donna Villa ang batang aktor nga si CJ nga maoy bida sa Bangis, ang labing una nga pantaserye sa TV 5.
Gabby target sa TV 5
Ang Kapamilya star nga si Gabby Concepcion maoy usa sa gipilian sa TV 5 nga modala isip amahan ni AJ Muhlach sa TV remake sa pelikula nila kaniadto ni Sharon Cuneta nga P.S. I Love You. (BANAT NEWS)
Complete…