Yasmien nawawala na naman!

Nasaan na nga ba si Yasmien Kurdi? Marami ang nagtatanong sa akin tungkol sa kanya. Ang alam ko, hindi naman siya umaalis ng bansa, nagko-concentrate lamang siya sa kanyang studies na sa palagay ko ay hindi masama.

Mas nakabubuti nga siguro dahil malayo siya sa intriga, kontrobersiya at tsismis.

Baka ito ang nakasisiya sa kanya at hindi ’yung gulo na hatid ng showbiz. Nakikita rin naman natin siya paminsan-minsan, siguro kapag may school break.

Nasaan man siya ngayon, masaya siya dahil kung hindi, hindi niya tatalikuran ang pag-aartista niya.

Top 2 PGT winners nakaka-touch ang buhay

Magaganda at touching pala ’yung kuwento ng buhay ng dalawang Top 2 winners ng Pilipinas Got Talent. Kaya pala mabenta sila sa text votes. Bukod sa nakuha nila ang loob ng mga manonood ng TV dahilan sa kanilang pagpupursige na makaahon sa kahirapan ay talagang may talent silang maipagmamalaki.

Sumikat man sila sa showbiz o hindi, magbabago na ang takbo ng buhay nila. Ang magkapatid na Happy Feet, pagtutulungang papag-aralin ng ABS-CBN at ni AiAi delas Alas. Ang grand winner na si Marcelito Pomoy ay maganda rin naman ang boses kahit hindi siya magboses babae o piliin niyang kumanta bilang isang babae. Hindi man siya mag-showbiz, sana mailagay niya sa maganda ang P2M niya para hindi na siya bumalik sa kahirapan.