JC umaasa pa rin sa atensiyon ni Jackie

MANILA, Philippines - Tuluyan nang palalayasin ni Alicia (Angelu de Leon) si Eden (Jackie Rice). Nais ni Eden na bu­malik ng Maynila para balikan si Sig (Dominic Roco) subalit pipigilan siya ni Ahmed (JC Tiuseco), nais nito na makasal na sila ni Eden. Matuloy kaya ni Ahmed ang balak niya?

Dahil hindi naman siya hinahanap ni Sig, nawa­walan na ng pag-asa si Eden na muli silang magkikita. Susuko na ba si Eden sa pag-ibig niya para kay Sig?

 Habang nagpapagaling sa ospital, nais ni Sig na makatakas at mahanap si Eden. Magawa kaya niyang tuluyang makatakas o mahuli siya ni Alona (Alicia Meyer)?

  Makakatakas si Sig at hahanapin nito si Eden. Subalit mahihirapan siya. Malalaman ni Sig ang tunay na dahilan ng pagkamatay ni Hamil (Daniel Fernando) at sisisihin ni Sig ang kanyang mga magulang habang si Eden nama’y unti-unti nang nababalutan ng sakit ang damdamin sa kadahilanang ang magulang ni Sig ang dahilan ng pagkamatay ni Hamil at unti-unti na rin siyang naniniwala na hindi siya hinanap ni Sig dahil ayaw na nito sa kanya. Ano ang mangyayari kapag muling nagtagpo ang landas nila? May pag-asa pa kayang magkabalikan ang dalawa?

 Muling magkikita sina Sig at Eden at gusto ng lalaki na magkabalikan sila pero masakit para kay Eden ang naging pagkamatay ng ama niya dahil sa pamilya nito. Muling susuyuin ni Sig si Eden pero paano kung muli siyang hadlangan ng kanyang mga magulang?

Sa isla, patuloy ang pagdating ng mga sulat ni Eden para kay Alicia pero ni ayaw itong buksan ni Alicia. Hanggang kailan matitiis ni Alicia ang sariling anak?

Abangan ang mga kaganapan tuwing hapon sa Sisid ng Kapuso Network.

Bubukod sina Eden at Sig sa condo nito pero palalayasin sila ni Alona. Mapipilitan ang magkasintahan na mangupahan pero sad­yang papahirapan ng nanay ang anak. Aalisan nila si Sig ng access sa pera nito.

Sa isla, patuloy na uma­asa si Ahmed na babalik si Eden habang si Alicia nama’y maka­ka­­­ta­ng­­gap ng pang-aapi mula kay Perla (Maricar de Mesa) ng dahil na rin kay Eden.