Hinihintay ang pagbabalik ni Aljur Abrenica mula sa Singapore para sa kanyang reaksiyon sa pag-share ni Piolo Pascual sa award na napanalunan nito sa Yahoo! OMG! Awards.
Tinalo ni Piolo si Aljur sa Hottest Actor category ng Yahoo! OMG! Awards. Nagtataka ako dahil binibigyan ng kulay ang ginawa ni Piolo eh normal lang sa mga artista na i-share sa mga co-nominees nila ang award na napapanalunan.
Bagong show ni Manny Isisingit sa superhectic sked niya
Hindi pa rin ako makapaniwala na live show ang Manny Many Many Prizes, ang bagong game show ni Congressman Manny Pacquiao sa GMA 7.
Sa sobrang busy ni Manny at sa rami ng kanyang mga biyahe sa ibang bansa, mapanindigan kaya niya na huwag mag-absent sa Manny Many Many Prizes?
Saksi ako kung gaano ka-hectic ang schedule ni Manny kaya may mga ganyan akong agam-agam. Talagang pinroblema ko raw ang schedule ni Manny!
Supporters ni Marian ‘hinihintay’ na si Heart
Pinag-uusapan kahapon ang ‘warning’ ni Heart Evangelista sa mga tao na bumabatikos sa kanyang ina.
Kapag hindi pa raw tumigil ang mga ‘bashing’ laban sa madir niya, baka may aksiyon na gawin si Heart.
Pare-pareho ang sey ng mga showbiz reporter na nakabasa sa warning ni Heart. Sila naman ang gumawa ng eksena sa airport kaya normal lang na mag-react ang mga supporter ni Marian Rivera.
Hintayin natin ang pagbabalik ni Heart mula sa bakasyon niya sa Brazil para malaman natin ang aksiyon na kanyang gagawin laban sa mga supporter ni Marian.
In all fairness to Marian, walang halong pagtataray ang mga sinabi niya sa presscon ng Temptation Island.
Casual na casual ang pagkukuwento niya tungkol sa mga nangyari sa airport pero hindi siya nagbigay ng kumpletong detalye.
Kung hindi nagbakasyon sa Brazil si Heart at nakadalo ito sa presscon, masasagot din niya ang mga tanong ng mga usiserong reporter.
Baka iba ang mga balita na nakarating kay Heart kaya nasa emote mode ang kanyang statement sa Twitter?
Kadalasan, nababawasan o nadaragdagan ang mga pahatid na balita pero kung panonoorin ni Heart ang complete interview kay Marian, makikita niya na hindi nagtataray ang kanyang co-star sa Temptation Island.
Hindi na yata nagkita ng personal sina Heart at Marian pagkatapos ng insidente sa airport. How true na may kasama si Heart na dalawang bodyguard sa last shooting day niya para sa Temptation Island noong June 16?
OA na ulan at traffic
Over acting pa rin ang buhos ng ulan kahapon na araw ng kapistahan ni St. John the Baptist kaya walang pasok sa Maynila at San Juan.
Lumang tradisyon ng mga Pilipino na basain ng tubig ang mga tao na naglalakad sa kalsada.
Iba ang eksena kahapon dahil sa lakas ng buhos ng ulan, hindi na kailangang basain ng tubig ang mga tao na naliligaw sa San Juan at Maynila.
Malaking perwisyo ang idinulot ng malakas na ulan noong Huwebes at kahapon dahil bumaha sa maraming lugar sa Metro Manila. May mga kaibigan ako na madaling-araw na nang makauwi ng bahay dahil naipit sila sa matinding trapik, bunga ng malalim na tubig baha.